رەسەيدە ايۋ ءبىر توپ تۋريسكە شابۋىل جاساپ، 16 جاسار بوزبالا كوز جۇمدى

نۇر- سۇلتان. قازاقپارات - رەسەيدىڭ كراسنويار ولكەسىندەگى «ەرگاكي» ۇلتتىق ساياباعىندا جۇرگەن ءبىر توپ تۋريستەرگە ايۋ شابۋىلداپ، سالدارىنان ءبىر ءجاسوسپىرىم قازا تاۋىپ، تاعى ءبىر ادام جاراقات الدى.

بۇل تۋرالى قازاقپارات تاسس اقپارات اگەنتتىگىنە سىلتەمە جاساپ حابارلايدى.

«ايۋ 13 ادامنان تۇراتىن تۋريستەر توبىنا شابۋىل جاساعان. سالدارىنان ەكى ادام زارداپ شەگىپ، ونىڭ بىرەۋى - 16 جاستاعى ءجاسوسپىرىم قايتىس بولدى»، - دەپ مالىمدەدى ت ج م جەرگىلىكتى بولىمشەسىنەن.

ت ج م اقپاراتىنشا، قازىرگى كەزدە تۋريستەر باعداردان شىعارىلىپ جاتىر. كراسنويار ولكەسى مەن حاكاسيا بويىنشا تەرگەۋ كوميتەتىنىڭ باسقارماسى جانۋاردىڭ ادامدارعا شابۋىلداۋى فاكتىسىنە قاتىستى تەكسەرۋ جۇمىسىن باستادى.

وقيعا ورنىنا تەرگەۋ- جەدەل توبى شىقتى. «ەرگاكي» ساياباعى كراسنويار ولكەسىنىڭ وڭتۇستىگىندە ورنالاسقان. ونىڭ اۋدانى - 342 مىڭ گ ا.