+7 (701) 759 90 19
27 °С : نۇر-سۇلتان
33 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

16-ماۋسىم. قازاقپارات كۇنتىزبەسى

16 ماۋسىم 09:02
:ءبولىسۋ
16-ماۋسىم. قازاقپارات كۇنتىزبەسى

نۇر- سۇلتان. قازاقپارات - قازاقپارات وقىرماندارىنا 2021 -جىلعى 16-ماۋسىمعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق وتباسىلىق اقشا اۋدارىمى كۇنى

ب ۇ ۇ حالىقارالىق اتاۋلى كۇندەر جۇيەسىنە ەنگىزىلگەن. نەگىزگى ماقساتى - وتباسىن اسىراپ، شەتەلدە جۇمىس ىستەپ جۇرگەن ميگرانتتاردىڭ ەكونوميكانى دامىتۋعا قوساتىن ۇلەسىنە نازار اۋدارتۋ.

ەستە قالار وقيعالار

1993 -جىلى قازاقستان رەسپۋبليكاسىنىڭ پرەزيدەنتى ن. ءا. نازاربايەۆ بىرىككەن ۇلتتار ۇيىمىنىڭ دەلەگاتسياسىن قابىلدادى. كەلىسسوزدەر بارىسىندا الماتىدا بىرىككەن ۇلتتار ۇيىمىنىڭ وكىلدىگىن اشۋ تۋرالى ۋاعدالاستىق جاسالدى.

1993 -جىلى قازاقستان رەسپۋبليكاسى پرەزيدەنتى اكىمشىلىگى جانىنان قازاقستاننىڭ ستراتەگيالىق زەرتتەۋلەر ينستيتۋتى قۇرىلدى. اتالعان ينستيتۋتقا قازاقستان رەسپۋبليكاسى پرەزيدەنتى اكىمشىلىگى باسشىلىق ەتەدى.

2000 -جىلى نۇر- سۇلتانعا «قالالار - بەيبىتشىلىك ءۇشىن» يۋنەسكو سىيلىعىنىڭ سەرتيفيكاتى تابىس ەتىلدى.

2011 -جىلى ۇلتتىق مەديتسينالىق حولدينگ نازاربايەۆ ۋنيۆەرسيتەتىنىڭ قۇرامىنا كىردى.

2011 -جىلى بەلارۋس ۇلتتىق كىتاپحاناسىندا بەلارۋس تىلىندە شىققان قازاقتىڭ ۇلى اقىنى ابايدىڭ «كەڭ دالا» اتتى كىتابى تانىستىرىلدى. اباي ولەڭدەرىن بەلارۋس تىلىنە اۋدارعان اۆتور - بر مەملەكەتتىك سىيلىعىنىڭ لاۋرەاتى، «پولىميا» جۋرنالىنىڭ باس رەداكتورى ميكولا مەتليتسكي.

2011 -جىلى ءبىرىنشى دۇنيەجۇزىلىك سوعىس كەزىندە العاش رەت جاپپاي قىرىپ- جويۋ قارۋى قولدانىلعان بەلگيانىڭ يپر قالاسىندا يادرولىق سىناق قۇرباندارىنا ارنالعان قازاقستاندىق ەسكەرتكىشتىڭ سالتاناتتى اشىلۋ ءراسىمى ءوتتى.

2016 -جىلى اتى اڭىزعا اينالعان «ل» سەريالى پاروۆوز سارىوزەك ستانساسىنىڭ ۆوكزال ماڭى الاڭىنا ورناتىلدى. پاروۆوز بەلگىلى كونسترۋكتور ليەۆ لەبەديانسكييدىڭ باسشىلىعىمەن كولومەنسك زاۋىتىندا ەكىنشى دۇنيەجۇزىلىك سوعىستىڭ اياعىندا شىعارىلدى. وتكەن عاسىردىڭ ورتاسىندا «لەبەديانكا» بۇرىنعى وداقتىڭ تەمىر جولدارىندا ءجيى پايدالانىلعان. الماتى- سارىوزەك- ۇشتوبە ۋچاسكەسىندە 50 گە جۋىق پاروۆوز ءجۇرىپ- تۇرعان.

2017 -جىلى ق ر ۇلتتىق مۋزەيىندە «بەيبارىس سۇلتان جانە ونىڭ ءداۋىرى» كورمەسىنىڭ اشىلۋ سالتاناتى ءوتتى. كورمەگە بەيبارىس سۇلتاننىڭ ءومىرى مەن ەل بيلەۋ تاريحىن باياندايتىن يسلام ونەرى مۋزەيى (كاير ق. , مىسىر) جيناعىنان 22 جادىگەر قويىلدى.

2017 -جىلى «پولشا پوشتاسى» ا ق «استانا EXPO 2017 حالىقارالىق كورمەسى» سەريالى پوشتا ماركاسىن اينالىمعا شىعاردى.

2017 -جىلى نۇر- سۇلتاندا حالىقارالىق تۇركى اكادەمياسى بەلگىلى تۇركولوگ، كونە جانە زاماناۋي تۇركى تىلدەرىنىڭ زەرتتەۋشىسى ەمير ءنادجيپتىڭ «XIV عاسىرداعى تۇركى تىلدەرىنىڭ تاريحي- سالىستىرمالى سوزدىگى» اتتى كوپتومدىق ەڭبەگىن تانىستىردى. ول قۇتبتىڭ «حۇسراۋ مەن شىرىن» شىعارماسىنىڭ نەگىزىندە جازىلعان. اتالمىش ەڭبەك - الەمدىك تۇركولوگيا ءۇشىن ماڭىزى زور العاشقى تولىق باسىلىم.

2017 -جىلى ت م د- دا العاش رەت پاۆلوداردا ءۇش كۇندىك «مەيكاتون» مارافونى ءوتتى. وندا ونەرتاپقىشتار مۇمكىندىگى شەكتەۋلى جانداردىڭ ومىرىنە قاجەتتى قۇرىلعىلاردى ويلاپ تابۋمەن جانە ونى قۇراستىرۋمەن اينالىستى.

2019 -جىلى قازاقستاندىق شاحماتشى دينارا ءسادۋاقاسوۆا قىتايدىڭ سينتاي قالاسىندا وتكەن ازيا چەمپيوناتىندا جەڭىمپاز اتاندى. دينارا الەمنىڭ 15 ەلىنەن كەلگەن 36 قارسىلاسىن جەڭىپ، 9 ۇپايدان 7,5 ۇپاي جيناعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات