20:49, 14 - قاڭتار 2021 | GMT +6
كەنيادا كوروناۆيرۋستىڭ 16 ءتۇرى انىقتالدى
نۇر-سۇلتان. قازاقپارات - كەنيانىڭ وڭتۇستىك- شىعىسىنان COVID-19-دىڭ جاڭا 16 شتامى انىقتالدى. بۇل تۋرالى وسى ەلدىڭ مەديتسينالىق زەرتتەۋلەر ينستيتۋتىنىڭ ماماندارى مالىمدەدى.
جەرگىلىكتى اقپارات قۇرالدارىنىڭ حابارلاۋىنشا، دۇنيەجۇزىلىك دەنساۋلىق ساقتاۋ ۇيىمى اتالعان مۋتاتسيا تۇرلەرىن زەرتتەۋگە شۇعىل كىرىسكەن. عالىمدار اسىرەسە 4 شتامنىڭ اسا بەلسەندى ەكەنىن ايتادى. ونىڭ ۇستىنە جاڭا مۋتاتسيالىق وزگەرىستەردى زەرتحانادا انىقتاۋ قيىن، سەبەبى ولار اۋرۋدىڭ باستاپقى كەزەڭىندە بايقالا قويمايدى.
ءارى كەنيالىق شتامدار «بريتانيالىق» تۇرگە مۇلدەم ۇقسامايدى ەكەن. ەستەرىڭىزگە سالا كەتەيىك، كەنيادا كوروناۆيرۋسپەن ءجۇز مىڭعا جۋىق ادام اۋىرىپ، 1700 دەن استام ناۋقاس قايتىس بولدى.
www.24.kz