داۋىل، بۇرشاق، جاڭبىر: 16- قىركۇيەك كۇنگى اۋا رايى بولجامى
ونىمەن نايزاعاي، جاڭبىر كۇتىلەدى. سولتۇستىكتە قاتتى جاڭبىر جاۋادى. 15-20 م/س دەيىن جەل كۇشەيىپ، داۋىل، بۇرشاق بولجانادى.
ەلىمىزدىڭ سولتۇستىك-باتىسىندا كەي جەرلەردە تۇمان كۇتىلەدى. تەك ەلىمىزدىڭ وڭتۇستىك- شىعىسىندا، شىعىسىندا جاۋىن-شاشىنسىز اۋا رايى ساقتالادى، دەپ حابارلايدى قازاقپارات.
اتاپ ايتقاندا، «قازگيدرومەت» ر م ك مالىمەتىنشە، سولتۇستىك قازاقستان، اقمولا وبلىستارىندا جەلدىڭ كۇشى 15-20 م/س، كەي جەرلەردە 23-28 م/س ارتادى.
سولتۇستىك قازاقستان وبلىسىنىڭ كەي جەرلەرىندە داۋىل تۇرىپ، بۇرشاق جاۋۋى ىقتيمال.
پاۆلودار وبلىسىندا، قاراعاندى وبلىسىنىڭ كەي جەرلەرىندە جەلدىڭ كۇشى 15-20 م/س، ەكپىنى 25 م/س جەتەدى. سونداي-اق داۋىل، بۇرشاق جاۋۋى مۇمكىن.
جامبىل، تۇركىستان وبلىستارىنىڭ كەي جەرلەرىندە جەل 15-20 م/س كۇشەيەدى، كۇندىز ەكپىنى 25 م/س ارتادى.
تۇركىستان وبلىسىندا شاڭدى داۋىل تۇرادى. كۇندىز قىزىلوردا، ماڭعىستاۋ، اتىراۋ وبلىستارىندا شاڭدى داۋىل تۇرىپ، 15-20 م/س ەكپىنمەن جەل سوعادى.
قوستاناي وبلىسىنىڭ كەي جەرلەرىندە تۇمان، داۋىل، بۇرشاق بولجانادى. جەلدىڭ كۇشى 15-20 م/س كۇشەيەدى. كۇندىز ەكپىنى 23 م/س ارتادى.
باتىس قازاقستان وبلىسىندا، كۇندىز اقتوبە وبلىسىندا جەلدىڭ كۇشى 15-20 م/س جەتەدى.
شىعىس قازاقستان وبلىسىنىڭ كەي جەرلەرىندە جەل 15-20 م/س كۇشەيەدى، كۇندىز ەكپىنى 25 م/س.
قىزىلوردا وبلىسىنىڭ باسىم بولىگىندە، قاراعاندى، تۇركىستان، جامبىل وبلىستارىنىڭ كەي جەرلەرىندە، اتىراۋ وبلىسىنىڭ وڭتۇستىگىندە، الماتى وبلىسىنىڭ باتىسىندا توتەنشە ءورت قاۋپى ساقتالادى.