نۇر-سۇلتان پوليتسەيلەرى 16 ميلليون تەڭگەنىڭ ءدارى-دارمەگى مەن ماسكالارىن تاركىلەدى

None
None
نۇر-سۇلتان. قازاقپارات - ەلوردادا جۇرگىزىلگەن كەزەكتى رەيد بارىسىندا مەديتسينالىق پرەپاراتتاردىڭ زاڭسىز ساۋداسىمەن اينالىسقاندار ۇستالدى، دەپ حابارلايدى قازاقپارات ءتىلشىسى ءى ءى م باسپا ءسوز قىزمەتىنە سىلتەمە جاساپ.

ناقتىراق ايتقاندا، ورىنبور كوشەسىندە «فولكسۆاگەن» اۆتوكولىگى توقتاتىلىپ، ونى تەكسەرۋ بارىسىندا قىتايدا وندىرىلگەن «Lianhua» كاپسۋلاسىنىڭ 165 قاپتاماسى تاركىلەنگەن. بۇل پرەپاراتتى قازاقستان رەسپۋبليكاسىنىڭ اۋماعىندا ساتۋعا رۇقسات جوق. ۇستالعان جەرگىلىكتى تۇرعىن پرەپاراتتاردى سايتتاردىڭ ءبىرى ارقىلى تاپقانىن، قالا اۋماعىندا سونى ساتىپ، پايدا تاپپاق بولعانىن مويىندادى.


«قازىرگى ۋاقىتتا بۇل ءدارىنىڭ ەل اۋماعىنا قالاي كىرگىزىلگەنى انىقتالۋ ۇستىندە. تاعى ءبىر جاعدايدا قالانىڭ 33 جاستاعى تۇرعىنى پاراتسەتامول، ينگاۆيرين، دەكسامەتازون، تسەفترياكسون، ليدوكاين، ەۋفيلين، سۋمامەد پەن تسيپرولەت سىندى تاپشى پرەپاراتتاردى ساتپاق بولدى.

ودان بولەك، پوليتسيا قىزمەتكەرلەرى تاعى ءبىر ازاماتتان 6500 ماسكانى تاركىلەدى. 8 كۇننىڭ ىشىندە پوليتسيا دەپارتامەنتى مەديتسينالىق ماسكالار مەن قورعانىس قۇرالدارىنىڭ زاڭسىز ساۋداسىنىڭ 36 جاعدايىن انىقتادى.

اتاپ ايتقاندا، 4500 قاپتاما ءدارى-دارمەك، 238500 دانا ماسكا، گرادۋسنيكتەر، قورعانىس حالاتتارى، كوستيۋمدەر، قولعاپتار، مەديتسينالىق باس كيىمدەر، كوزىلدىرىكتەر، انتيسەپتيكتەر مەن مەديتسينالىق بۇيىمدار تاركىلەندى. تاركىلەنگەن زاتتاردىڭ جالپى سوماسى 16600000 تەڭگەنى قۇرادى»، - دەلىنگەن حابارلامادا.

انىقتالعان ءاربىر وقيعاعا قازىرگى زاڭناماعا سايكەس قۇقىقتىق باعا بەرىلەدى. ەلوردا پوليتسەيلەرى قالا تۇرعىندارىن بەلسەندىلىككە شاقىرىپ، ءدارى-دارمەكتى قىمباتتاتسا نەمەسە زاڭسىز ساتقاندار انىقتالسا، قالالىق پوليتسيا دەپارتامەنتىنە جۇگىنۋگە نەمەسە 87172716291، 716335، 87476205793 (WhatsApp)، 102 نومىرلەرىنە حابارلاسۋدى سۇرايدى.

سوڭعى جاڭالىقتار