شىعىس قازاقستاندا نايزاعاي ءتۇسىپ، 16 جاستاعى جەتكىنشەك كوز جۇمدى

None
None
نۇر-سۇلتان. قازاقپارات - توتەنشە جاعداي كوميتەتىنىڭ مالىمەتىنشە وتكەن اپتاداعى دەمالىس كۇندەرى ءارتۇرلى توتەنشە وقيعانىڭ سالدارىنان 5 بالا كوز جۇمىپ، 6 بالا ءارتۇرلى دەنە جاراقاتىن العان، دەپ حابارلايدى قازاقپارات ءتىلشىسى.

كوميتەتتىڭ حابارلاۋىنشا 14- ماۋسىمدا شىعىس قازاقستان وبلىسى اباي اۋدانىنىڭ قاسقابۇلاق اۋىلىندا اتپەن قوي جايىپ جۇرگەن 2004-جىلى تۋعان بالاعا نايزاعاي ءتۇسىپ، مەرت بولعان.

ال قىزىلوردا وبلىسىنىڭ شيەلى اۋدانى بالابي اۋىلىندا ۇلكەندەردىڭ قاراۋىنسىز ەسىك الدىندا ەلەكتر سىمىمەن ويناپ جۇرگەن بالا توققا تۇسكەن. 220B توققا تۇسكەن 2017-جىلعى بالا اۋرۋحانادا كوز جۇمدى. ءدال سول كۇنى پاۆلودار وبلىسىنىڭ اققۋلى اۋدانى اققۋلى اۋىلىندا ءبىر جاستاعى بالا 3 مەترلىك قۇدىققا ءتۇسىپ كەتكەن. قۇتقارۋشىلار كەلگەنشە بالانى كورشىلەر قۇتقارىپ الىپ، اۋرۋحاناعا جەتكىزگەن.

«13- ماۋسىمدا ساعات 22:38 ۋاقىتىندا كوكشەتاۋ قالاسىنداعى 5 قاباتتىق ءۇيدىڭ ەكىنشى قاباتىنداعى پاتەرىنەن ءورت شىعىپ، ۇيدەگى جيھازدار ورتەندى. ساعات 22:56 كەزىندە ءتىلسىز جاۋ اۋىزدىقتالدى. وقيعا ورنىنان 2012، 2014 جانە 2016-جىلعى ءۇش بالا اۋرۋحاناعا جەتكىزىلىپ، ونىڭ بىرەۋى سوندا جان تاپسىردى. ءدال سول كۇنى نۇر-سۇلتان قالاسىنىڭ ەسىل اۋدانىندا ءبىر جاستاعى بالا پودەزدىڭ 8- قاباتىنان ءۇشىنشى قاباتىنداعى باسپالداققا قۇلاپ، اۋرۋحاناعا جەتكىزىلدى»، - دەلىنگەن حابارلامادا.

13- ماۋسىمدا شىمكەنتتەگى اباي اۋدانىنداعى سامال-3 شاعىن اۋدانىندا ءبىر جاستاعى بالا سۋعا تۇنشىعىپ كوز جۇمسا، اتىراۋدا 2014-جىلعى قىز بالا 2 مەترلىك شۇڭقىرعا ءتۇسىپ جان تاپسىرعان.

قاراعاندىدا سول كۇنى ەكىنشى قاباتتان 3 جاستاعى بالا قۇلاپ كەتىپ، ەمحاناعا جەتكىزىلگەن. وسى جاعدايلاردى تىزە كەلە ق ر ءى ءى م ت ج ك ماماندارى بالالاردى قاراۋسىز قالدىرماۋ كەرەكتىگىن ەسكەرتەدى.

سوڭعى جاڭالىقتار