سۋىرىپ سالما 16 اقىن جەمقورلىق تاقىرىبىنداعى ونلاين ايتىستا باق سىنايدى

None
None
نۇر-سۇلتان. قازاقپارات - ق ر سىبايلاس جەمقورلىققا قارسى ءىس-قيمىل اگەنتتىگى مەن اگەنتتىك جانىنداعى رەسپۋبليكالىق اقپاراتتىق-اعارتۋشىلىق شتابتىڭ باستاماسىمەن ونلاين ايتىس ۇيىمداستىرىلادى، دەپ حابارلايدى قازاقپارات اگەنتتىكتىڭ باسپا ءسوز قىزمەتىنە سىلتەمە جاساپ.

سايىسقا وڭىرلەردەن 16 سۋىرىپ سالما اقىن قاتىسادى، ولاردىڭ ىشىندە مۇحتار نيازوۆ، اسپانبەك شۇعاتايەۆ، سىرىم اۋەزحان، دانيار الدابەرگەنوۆ، جۇلدىزاي ماراتبەكوۆا سەكىلدى حالىقارالىق جانە رەسپۋبليكالىق ايتىستاردىڭ جۇلدەگەرلەرى مەن جەڭىمپازدارى بار.

بايقاۋدىڭ تاعى ءبىر ەرەكشەلىگى - سايىس سىبايلاس جەمقورلىققا قارسى تاقىرىپقا ارنالادى.

«وزەكتى ماسەلەلەردى ولەڭمەن كوپشىلىك الدىندا ايتۋ ءبىزدىڭ ەلدىڭ ەجەلگى ءداستۇرى. ءبىز قوعامداعى سىبايلاس جەمقورلىق كورىنىستەرىنە مۇلدەم توزبەۋدى دارىپتەۋ ءۇشىن ەڭ ءتيىمدى مادەني قۇرال رەتىندە ايتىستى پايدالانۋعا مىندەتتىمىز»، - دەدى ق ر سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆ.

جالپى كارانتين كەزەڭىندە ونلاين رەجيمدە حابار تاراتۋدىڭ شەكتەۋسىز قولجەتىمدىلىگى ارقىلى بارلىق حالىق قامتىلادى دەپ كۇتىلۋدە. جارىس 9- ساۋىردە، قاتىسۋشىلاردىڭ جەرەبە تارتۋى مەن جۇپتاردى بولۋدەن باستالادى. 9 -جانە 19- ءساۋىر ارالىعىندا 1/8، 1/4 جانە 1/2 فينالى وتەدى.

ونلاين ايتىستىڭ اقتىق فينالى 2020-جىلدىڭ 18- جانە 19- ساۋىرىنە جوسپارلانعان.

سايىستىڭ ءوتۋ بارىسىن بارلىق نيەت بىلدىرۋشىلەر شتابتىڭ الەۋمەتتىك جەلى - Facebook، Instagram، YouTube-تەگى پاراقشالارىنان كورە الادى.

جەڭىمپازدار Telegram ارناسىندا ونلاين داۋىس بەرۋ جانە مەملەكەت جانە قوعام قايراتكەرى مىرزاتاي جولداسبەكوۆتىڭ ءتوراعالىق ەتۋىمەن قازىلار القاسىنىڭ اراسىندا داۋىستى پايىزدىق قاتىناستا ءبولۋ ارقىلى انىقتالادى.

باس جۇلدەگە «التىن وردا» اۆتورلىق ديزاين ءۇيى Tengri ەكسكليۋزيۆتى ەتنو-ينستاللياتسياسىن جانە «ءبىز بىرگەمىز» لوگوتيپىمەن كادەسىي ۇسىنادى.

سوڭعى جاڭالىقتار