ەلىمىزدە كوروناۆيرۋس جۇقتىرعان 16 ادام اۋىر حالدە جاتىر

نۇر- سۇلتان. قازاقپارات - قازاقستاننىڭ مەملەكەتتىك باس سانيتارلىق دارىگەرى ايجان ەسماعامبەتوۆا ەلىمىزدە كوروناۆيرۋس جۇقتىرعاندار تۋرالى ايتتى، دەپ حابارلايدى قازاقپارات ءتىلشىسى.

«الەمدە كوروناۆيرۋس جۇقتىرعانداردىڭ سانى 1 ميلليون 270 مىڭنان اسىپ كەتتى. ونىڭ 70 مىڭى ولىممەن اياقتالدى. قازاقستاندا 604 جاعداي تىركەلدى. بارلىق جاعداي بويىنشا 122 جاعداي سىرتتان جۇقتىرعاندار، 350 دەن استامى - قارىم- قاتىناس (وتباسىلىق جانە ۇجىمدىق) ارقىلى جۇقتىرعاندار»، - دەدى ايجان ەسماعامبەتوۆا و ك ق- دا وتكەن باسپا ءسوز ءماسليحاتىندا.

مەملەكەتتىك باس سانيتارلىق دارىگەردىڭ اقپاراتىنا سايكەس، جۇقتىرۋدىڭ 130 جاعدايىندا ۆيرۋستىڭ نەدەن كەلگەنىن انىقتاۋ مۇمكىن ەمەس بولىپ وتىر. «قازىرگە دەيىن 45 ادام اۋرۋدان ايىعىپ كەتتى. ونىڭ 24 ءى نۇر- سۇلتاندا، 21 ءى الماتىدان. كوروناۆيرۋس جۇقتىرۋدىڭ 85 پايىزى - سيمپتومسىز ءارى جەڭىل باعىتتا ەكەنى بەلگىلى بولدى. 11,5 پايىزى اۋىرلىعى ورتاشا دەڭگەيدە. 16 ادام اۋىر كۇيدە جاتىر. ولار الماتى، نۇر- سۇلتان، شىمكەنت قالالارى مەن ش ق و، قاراعاندى وبلىسىنداعى پاتسيەنتتەر» ، - دەدى ول.