الماتىدا كورنوۆيرۋس جۇقتىرعان 16 ناۋقاستىڭ بىرەۋىنىڭ جاعدايى اۋىر

None
None
الماتى. قازاقپارات – ق ر دەنساۋلىق ساقتاۋ مينيسترلىگىنىڭ مالىمدەمەسىنەن كەيىنگى 93 ناۋقاستىڭ قاتارىنا تاعى 16 ادام قوسىلدى، ولاردىڭ ءبارى ۆيرۋس جۇقتىرعان جاندارمەن قارىم- قاتىناستا بولعاندار.

بۇل تۋرالى الماتى قالاسى قوعامدىق دەنساۋلىق باسقارماسى مالىمدەدى، دەپ حابارلايدى قازاقپارات ءتىلشىسى.

«قازىرگى ۋاقىتتا الماتىدا كوروناۆيرۋس ىندەتىن جۇقتىرعان ناۋقاستار سانى 109 عا جەتتى. 16 ناۋقاستىڭ بىرەۋىنىڭ جاعدايى اۋىر، قالعاندارىنىڭ دەنساۋلىعى قاناعاتتانارلىق. ولاردىڭ ءبارى دە كوروناۆيرۋس جۇقتىرعاندىعى راستالعاندا ستانسيوناردا وقشاۋلاندىرىلعان ەدى»، - دەلىنگەن قالالىق دەنساۋلىق ساقتاۋ باسقارماسى تاراتقان حابارالامادا.

ءتورت ناۋقاس «ماسكەۋ - الماتى» رەيسىمەن ۇشىپ كەلگەن ءبىر جولاۋشىمەن بايلانىستا بولعان. ولاردىڭ بىرەۋى ناۋقاستىڭ اناسى، 2009 جانە 2017 -جىلى تۋعان ەكى بالاسى جانە ءبىر بايلانىستا بولعان ادام. «ەكەۋى – 16- ناۋرىزدا ستامبۋلدان، ەكەۋى - 10 - ناۋرىزدا «ماسكەۋ - الماتى» رەيسىمەن ۇشىپ كەلگەن، تاعى بىرەۋى - 13 - ناۋرىزدا بەرلين رەيسىمەن جەتكەن، ەندى بىرەۋى ۆيرۋس جۇقتىرعان اداممەن بايلانىستا بولعان»، - دەلىنگەن حابارلامادا. الماتىدا كوروناۆيرۋستان ەمدەلىپ شىققانداردىڭ جالپى سانى - 19. ولاردىڭ ءبارى قازىرگى تاڭدا 14 كۇندىك ءۇي كارانتينىندە.

ال الماتى قالاسىندا كوروناۆيرۋس ينفەكسياسىنان تاعى التى ناۋقاس ەمدەلىپ شىقتى.

«77 ناۋقاستىڭ جاعدايى قاناعاتتانارلىق. ەكى ەرەسەك ادامنىڭ ءحالى وتە اۋىر، 1 ناۋقاس اۋىر جاعدايدا، 11 ەرەسەك ناۋقاستىڭ جاعدايى ورتاشا اۋىر»، - دەگەن حابارلامادا. ولاردىڭ 5-ەۋى ‒ ايەل ادام، بىرەۋى ‒ ەر ادام. پروۆيزورلىق ورتالىقتاردا بۇگىندە 655 ادام بار. ولاردىڭ 83- ءى بالا، ەكى كۇندىك كارانتيندە 523 ازامات، ال ءۇي كارانتينىندە 4411 ادام جاتىر.

اۆتور: الما مۇقانوۆا

سوڭعى جاڭالىقتار