قازاقستاندا 16 مىڭ دارىگەر كوروناۆيرۋسپەن كۇرەسىپ جاتىر

None
None
نۇر- سۇلتان. قازاقپارات - ەلىمىزدە 16 مىڭ دارىگەر كوروناۆيرۋسپەن كۇرەسۋدە. بۇل تۋرالى ق ر دەنساۋلىق ساقتاۋ ءمينيسترى ەلجان ءبىرتانوۆ ايتتى، دەپ حابارلايدى قازاقپارات ءتىلشىسى.

«ءبىز ۋاقىتىلى دايىندالعاندىقتان، ماماندار جەتكىلىكتى. بۇگىنگى كۇنى ينفەكسيالىق اۋرۋحانالار، پروۆيزورلىق ستاتسيونارلار، كارانتيندىك نىساندارعا 16 مىڭ دارىگەر تارتىلدى. دارىگەرلەر، مەدبيكەلەر، كىشى مەديتسينالىق پەرسونال، سانيتار- دارىگەرلەر، تۋبەركۋلەز ورتالىقتارىنىڭ قىزمەتكەرلەرى ەڭبەك ەتۋدە. كارانتينگە بايلانىستى بەلگىلى ءبىر جوسپارلى كومەكتەر، ستوماتولوگيالىق قىزمەتتەر ازايدى. ءوز ەركىمەن كومەك كورسەتكىسى كەلەتىن دارىگەرلەر سانى كوبەيدى. بارلىق وبلىستىق دەنساۋلىق ساقتاۋ باسقارمالارىنان كادرلار جينالۋدا»، - دەيدى ەلجان ءبىرتانوۆ.

ءمينيستردىڭ سوزىنە سەنسەك، كوروناۆيرۋسپەن كۇرەسكە ستۋدەنت- دارىگەرلەر، جوعارى كۋرستا وقيتىن ستۋدەنتتەر دە تارتىلىپ وتىر.

«ولاردى جۇمىس ىستەۋگە دايىنداپ جاتىرمىز. جالپى پراكتيكاداعى دارىگەردى كوروناۆيرۋستى ەمدەيتىن مامانعا اينالدىرۋ قيىن ەمەس. ارينە، ولار تولىققاندى ينفەكتسيونيست بولىپ كەتپەيدى. وسىنداي جاعدايدا ەڭ باستىسى - كومەك كورسەتە الۋى. بويىن ۇرەي بيلەگەندەر دە، جۇمىستان باس تارتقان دارىگەرلەر دە بار. مۇنداي جاعداي ورىن الماۋى مۇمكىن ەمەس ەكەنىن بىلەمىز. بۇل باعىت بويىنشا دا جۇمىس ىستەپ جاتىرمىز. شارالار قابىلدانىپ، ماتەريالدىق جانە مورالدىق كومەك كورسەتىلۋدە. پرەزيدەنت اقشا ءبولىپ، سىياقى مەن الەۋمەتتىك كەپىلدىك ۇيىمداستىرعانى وتە ماڭىزدى. بۇل بىزگە دارىگەرلەردى قولداۋعا كومەكتەسەدى»،- دەيدى ول.

سوڭعى جاڭالىقتار