20:19, 25 - ناۋرىز 2020 | GMT +6
ۆيرۋس جۇقتىرعان شىمكەنتتىكپەن اۆتوبۋستا بىرگە كەلگەن 16 جولاۋشى ىزدەستىرىلىپ جاتىر
نۇر-سۇلتان. قازاقپارات - كوروناۆيرۋس جۇقتىرعان شىمكەنتتىكپەن ءبىر اۆتوبۋستا بولعان 16 جولاۋشى ىزدەستىرىلۋدە.
بۇل تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
«كوروناۆيرۋسپەن اۋىرعان ادام بولعان اۆتوبۋس انىقتالدى. 51 جولاۋشىنىڭ 35 ءى تابىلدى. ولار كارانتينگە جاتقىزىلدى. 16 سى قازىرگى ۋاقىتتا ىزدەستىرىلىپ جاتىر. تاياۋ ۋاقىتتا تابىلىپ، كارانتينگە جاتقىزىلادى»، - دەدى داۋرەن ابايەۆ.
ەسكە سالا كەتەيىك، ءبىز بۇعان دەيىن شىمكەنتتە ءبىر ادامنىڭ كوروناۆيرۋسقا شالدىققانىن حابارلاعان ەدىك.
كەيىننەن ول ازاماتتىڭ كوروناۆيرۋستى اناسىنا دا جۇقتىرعانى بەلگىلى بولدى.