+7 (701) 759 90 19
10 °С : نۇر-سۇلتان
13 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقتىڭ 16 جاسار ۇلى اۋىر اتلەتيكادان ازيا چەمپيوناتىندا الەمدىك رەكورد ورناتتى

19 اقپان 12:14
:ءبولىسۋ
قازاقتىڭ 16 جاسار ۇلى اۋىر اتلەتيكادان ازيا چەمپيوناتىندا الەمدىك رەكورد ورناتتى

نۇر-سۇلتان. قازاقپارات - راحات بەكبولاتتىڭ شىعۋىمەن قازاقستاندىق كوماندانىڭ وزبەكستان استاناسىندا ءوتىپ جاتقان اۋىر اتلەتيكادان جاس وسپىرىمدەر اراسىنداعى ازيا چەمپيوناتىندا ونەر كورسەتۋى اياقتالدى، دەپ حابارلايدى قازاقپارات.

قىزىلوردا اۋىر اتلەتيكا مەكتەبىنىڭ تاربيەلەنۋشىسى قوسسايىس قورىتىندىسى بويىنشا 356 كەلى (158+198) كوتەرىپ، قارسىلاسىنان 14 كەلىگە وزىپ كەتتى. وسىلايشا، 17 جاسقا دەيىنگى جاس وسپىرىمدەر مەن 20 جاسقا دەيىنگى جاستار اراسىندا چەمپيون اتاندى. راحات بەكبولات بيىل 16 جاسقا تولىپ وتىر . ول «سەرپە كوتەرۋ» جاتتىعۋىندا جاس وسپىرىمدەر اراسىندا الەمدىك رەكورد ورناتتى.

ەكىنشى ورىن يراندىق ابولفازي حاكنۋردا - 342 كەلى (154+188)، ءۇشىنشى ورىندى وزبەك ازيمدجون حودجيەۆ يەلەندى، ول قوسسايىس قورىتىندىسى بويىنشا 333 كەلى كوتەردى (152 + 181).

اۋىر اتلەتيكادان جاستار مەن جاس وسپىرىمدەر اراسىنداعى ازيا چەمپيوناتىنا ازيا قۇرلىعىنىڭ 20 ەلىنەن 14 ايەلدەر جانە 18 ەرلەر كومانداسى قاتىستى. قازاقستاننان 10 سپورتشى قاتىسقان بولاتىن، ولاردىڭ بارلىعى جۇلدەلى ورىندارعا يە بولدى.

جالپى، ءبىزدىڭ كوماندادا 9 التىن، 2 كۇمىس جانە 3 قولا مەدال بار.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات