+7 (701) 759 90 19
-5 °С : نۇر-سۇلتان
6 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

جۋسان قاتەرلى ىسىكتى 16 ساعاتتا جوق قىلادى

18 قاڭتار 05:21
:ءبولىسۋ
جۋسان قاتەرلى ىسىكتى 16 ساعاتتا جوق قىلادى

نۇر-سۇلتان. قازاقپارات - ا ق ش- تىڭ كاليفورنيا شتاتىنداعى ۋنيۆەرسيتەت عالىمدارى عىلىمي تىلدە Artemisia Annua دەپ اتالاتىن وسىمدىكتىڭ بار- جوعى 16 ساعاتتىڭ ىشىندە وكپە راگى جاسۋشالارىنىڭ 98 پايىزىن بىردەن جويىپ جىبەرۋگە قابىلەتتى ەكەنىن انىقتادى.

بۇل - قازاق ساحاراسىنىڭ كەز كەلگەن دەرلىك جەرىندە جۇپار ءيىسى بۇرقىراپ ءوسىپ تۇراتىن كادىمگى جۋسان ءشوبى. اتام قازاق ەرتەدەن قاستەر تۇتقان، الىس ساپارلارعا شىققاندا ۇدايى جانىندا ءبىر بۋماسىن الىپ جۇرگەن وسكىننىڭ وسىنداي قۇدىرەتى بار بولىپ شىقتى.

امەريكا عالىمدارى جۋساندى بۇل ماقساتقا پايدالانا ءبىلۋدىڭ دە ءوز ەرەكشەلىكتەرى بار ەكەنىن ايتىپ وتىر. مىسالى، ونىڭ ءبىر جىلدىق وسكىنىن ەمگە قولدانعان جاعدايدا ول وكپەدەگى قاتەرلى ىسىكتىڭ تەك 28 پايىزىن عانا جويىپ جىبەرە الادى. ال ەگەر وعان تەمىر قوسپاسىن قوسىپ پايدالانسا، وسىمدىك راكتى تولىق قۇرتىپ جىبەرەدى.

- تۇتاستاي العاندا، زەرتتەۋ ناتيجەلەرى ارتەميزينين پرەپاراتىنىڭ راك جاسۋشالارىنىڭ قارقىنمەن ءوسۋىن تولىق باقىلاۋدا ۇستاي الاتىنىن كورسەتىپ بەردى، - دەدى زەرتتەۋ اۆتورلارى.

ال Sanofi فارماتسيەۆتىك كومپانياسى وسىدان باستاپ جىلىنا 50-60 توننا ارتەميزينين ءوندىرىپ تۇراتىنىن مالىمدەدى.

ءدارى جاساۋ وندىرىسىندە بۇرىن وسىناۋ قىشقىلتىم وسىمدىكتىڭ ساباعى مەن جاپىراعى بەزگەكتەن ەمدەۋدىڭ وتە كۇشتى قۇرالى رەتىندە پايدالانىلىپ كەلگەن ەكەن.

ەسكە سالا كەتەيىك، جاقىندا ا ق ش عالىمدارى راك اۋرۋلارىمەن كۇرەستە ريەۆوليۋتسيالىق دەڭگەيدەگى تەراپيا تابىلىپ وتىرعانىن جاريالاعان بولاتىن. ونىڭ جۋسانمەن قاتىستى ەكەنى ەندى عانا ايتىلىپ وتىر.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات