09:38, 16 - جەلتوقسان 2019 | GMT +6
قازگيدرومەت: 16-جەلتوقسان كۇنگى اۋا رايى بولجامى
نۇر-سۇلتان. قازاقپارات – 16- جەلتوقسان كۇنى قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى.
اتموسفەرالىق فرونتالدى بولىكتەردىڭ وتۋىنە بايلانىستى باتىس وڭىرلەردە جاڭبىر، قار تۇرىندە جاۋىن-شاشىن جاۋادى، سولتۇستىك-شىعىستا جانە شىعىستا - قار تۇسەدى. رەسپۋبليكانىڭ جەكەلەگەن اۋماقتارىن تۇمان باسىپ، وڭتۇستىكتە جانە وڭتۇستىك-شىعىستا كوكتايعاق، ەكپىندى جەل بولجانادى، دەپ حابارلايدى قازاقپارات.
«قازگيدرومەت» ر م ك اقپاراتىنا سۇيەنسەك، الماتى، جامبىل، قىزىلوردا وبلىستارىنىڭ كەي جەرلەرىندە تۇمان، كوكتايعاق كۇتىلەدى. جامبىل، قىزىلوردا وبلىستارىندا كۇندىز جەل 15-20 م/س كۇشەيەدى.
اقمولا، تۇركىستان، ماڭعىستاۋ، باتىس قازاقستان، قوستاناي، سولتۇستىك قازاقستان، پاۆلودار، قاراعاندى، شىعىس قازاقستان وبلىستارىنىڭ كەي جەرلەرىندە تۇمان بولادى.
ەسكە سالايىق، سينوپتيكتەر بۇعان دەيىن ءبىرقاتار وڭىردە ەسكەرتۋ جاريالاعان بولاتىن.