07:52, 05 - قاراشا 2019 | GMT +6
الماتى وبلىسىندا 16 جاستاعى اياعى اۋىر بويجەتكەن كولىك اپاتىنا ءتۇستى
تالدىقورعان. قازاقپارات - الماتى وبلىسىندا 16 جاستاعى بويجەتكەن كولىك اپاتىنا ءتۇستى. ول تالعار اۋداندىق اۋرۋحاناسىنا جەتكىزىلدى، دەپ حابارلايدى قازاقپارات ءتىلشىسى.
«2003-جىلى تۋعان ناۋقاستىڭ جاعدايى قاناعاتتانارلىق. ول جۇكتىلىكتىڭ 2-3 اپتاسىندا. دارىگەرلەردىڭ قاراۋىنان كەيىن، اۋرۋحاناعا جاتۋدان باس تارتتى. امبۋلاتوريالىق جاعدايدا ەم قابىلدايتىن بولادى»، - دەدى الماتى وبلىستىق دەنساۋلىق ساقتاۋ دەپارتامەنتى باسپا ءسوز قىزمەتىنىڭ وكىلى ءلايلىم اۋباكىروۆا.
الدىن-الا مالىمەت بويىنشا، قىزىل قايرات اۋلىنان شىعا بەرىستە جەدەل جاردەم كولىگى جول تالعامايتىن اۆتوكولىكپەن سوقتىعىسقان. وقيعانىڭ ءمان-جايى انىقتالىپ جاتقاندىقتان، اياعى اۋىر بويجەتكەننىڭ ناقتى قاي كولىكتە بولعانى ازىرگە بەلگىسىز.
كۋاگەرلەردىڭ ايتۋىنشا، بۇل ايماقتا كولىك اپاتى ءجيى بولىپ تۇرادى. مۇنىڭ سەبەبى - ەسكەرتۋ بەلگىلەرىنىڭ جوقتىعى جانە كەپتەلىستەردىڭ سالدارىنان جۇرگىزۋشىلەر قارسى باعىتقا شىعىپ كەتەدى ەكەن.