20:26, 18 - ماۋسىم 2019 | GMT +6
ورالدا ءىز-ءتۇزسىز كەتكەن 16 جاستاعى ازيا چەمپيونى تابىلدى
ورال. قازاقپارات - ورالدا جوعالىپ كەتكەن تاەكۆوندودان كادەتتەر اراسىندا ازيا چەمپيونى ليانا كۋشكەيەۆا امان-ەسەن تابىلدى، دەپ حابارلايدى قازاقپارات ءتىلشىسى.
ب ق و پوليتسيا دەپارتامەنتىنىڭ باسپا ءسوز قىزمەتىنەن تۇسكەن مالىمەتكە قاراعاندا، 16 جاسار ليانا اناسى ەكەۋى ۇيلەرىنە كەتتى.
«ورال قالاسى پوليتسيا باسقارماسىندا ليانامەن ءتارتىپ ساقشىلارى، پسيحولوگ سويلەستى. جاعدايى جاقسى»، دەپ حابارلادى قازاقپارات تىلشىسىنە دەپارتامەنتتىڭ باسپا ءسوز قىزمەتىنەن.
ەسكە سالا كەتەيىك، بۇدان بۇرىن ورالدا تاەكۆوندودان ازيا چەمپيونىنىڭ جوعالىپ كەتكەنىن جازعان بولاتىنبىز.