قاسىم-جومارت توقايەۆ 16-ەۋرازيالىق مەديا فورۋم قاتىسۋشىلارىنا قۇتتىقتاۋ جولدادى

None
None
نۇر-سۇلتان. قازاقپارات - الماتىدا XVI ەۋرازيالىق مەديا فورۋم جۇمىسىن باستادى. بيىلعى فورۋمنىڭ نەگىزگى تاقىرىبى «بۇگىنگى الەم: شىندىق ترانسفورماتسياسى»، دەپ حابارلايدى قازاقپارات ءتىلشىسى.

القالى جيىندا ق ر اقپارات جانە قوعامدىق دامۋ ءمينيسترى داۋرەن ابايەۆ قازاقستان پرەزيدەنتى قاسىم-جومارت توقايەۆتىڭ قۇتتىقتاۋ حاتىن وقىپ بەردى.

«قۇرمەتتى فورۋم قاتىسۋشىلارى، كەزەكتى مەديا فورۋمنىڭ باستالۋىمەن شىن جۇرەكتەن قۇتتىقتايمىن. وسىدان 15 جىلدان استام ۋاقىت بۇرىن اتالعان الاڭ قۇرىلىپ، وندا جۋرناليستەر قوعامداستىعى بارىنشا وزەكتى تاقىرىپتار توڭىرەگىندە كەڭىنەن پىكىر الماسادى. فورۋمنىڭ ءوزى 2001-جىلى نيۋ-يوركتە ورىن العان بەلگىلى وقيعادان كەيىنگى الەمدىك گەوساياساتتاعى ايتارلىقتاي وزگەرىستەردى وي ەلەگىنەن وتكىزۋ ءۇشىن تۋىنداعان ەدى. مەديا فورۋمدا جىلدان جىلعا حالىقارالىق جانە وڭىرلىك كۇن تارتىپتەگى ەڭ وتكىر، كوكەيتەستى پروبلامالار تالقىلانادى»، - دەلىنگەن مەملەكەت باسشىسىنىڭ قۇتتىقتاۋىندا.

ق ر پرەزيدەنتى فورۋم جۇمىسىنا مەدياقوعامداستىقتىڭ 7,5 مىڭنان استام وكىلى، ونىڭ ىشىندە الەمنىڭ 60 ەلىنەن 700 ساراپشى قاتىسىپ جاتقاندىعىن اتاپ وتكەن.

«قازاقستان ءوز دامۋىنىڭ ماڭىزدى كەزەڭىنە ءوتتى. 9-ماۋسىمدا كەزەكتەن تىس پرەزيدەنتتىك سايلاۋ وتەدى. بۇل وقيعا حالىقارالىق قوعامداستىقتىڭ ايرىقشا نازارىن اۋدارىپ ۇلگەردى. مەن ءىس باسىنداعى قازاقستان پرەزيدەنتى رەتىندە ءادىل، ادىلەتتى جانە دەموكراتيالىق سايلاۋ وتكىزۋدەن تايمايمىن. سوندىقتان حالىقارالىق بايقاۋشىلار دەلەگاتسيالارى مەن بۇقارالىق اقپارات قۇرالدارى وكىلدەرىنىڭ قاتىسۋىن قولدايمىن»، - دەپ اتاپ وتەدى مەملەكەت باسشىسى قۇتتىقتاۋىندا.

سونىمەن قاتار پرەزيدەنت الەمدىك قوعامداستىق ادامداردى اقپاراتتاردىڭ زاڭسىز تارالۋىنان قورعاۋ ماسەلەسىنە الاڭداۋشىلىق تانىتىپ وتىرعاندىعىنا، سيفرلىق تەحنولوگيالاردى قولدانۋ ارقىلى سايلاۋلار مەن ساياسي پروتسەسستەرگە ارالاسۋ پروبلەماسىن بەلسەندى تالقىلاپ جاتقاندىعىنا نازار اۋدارتتى.

«الەۋمەتتىك ينستيتۋتتار ينتەرنەت پەن الەۋمەتتىك جەلىلەردىڭ، اسىرەسە ءوسىپ كەلە جاتقان جاس بۋىنعا دەسترۋكتيۆتى ىقپالىنا الاڭداۋشىلىق تانىتىپ وتىر. ادامدار جاڭا قۇبىلىستار ميەن قاتەرلەرگە يممۋنيتەتتىڭ قالىپتاسۋىن قاجەتسىنەدى. مۇنىڭ بارلىعىن جانە وزگە دە پروبلەمالاردى مەديا قوعامداستىقتار جان-جاقتى جاۋاپ الۋ ماقساتىندا بايىپپەن زەردەلەۋى قاجەت»، - دەپ اتاپ وتەدى قاسىم-جومارت توقايەۆ.

سوڭعى جاڭالىقتار