+7 (701) 759 90 19 Лента
14 °С : استانا
17 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

ش ق و - دا «اباي الەمى» جوباسى اياسىندا 16 اۆتوردىڭ شىعارمالارى جارىق كوردى

19 ءساۋىر 15:17 287
:ءبولىسۋ
ش ق و - دا «اباي الەمى» جوباسى اياسىندا 16 اۆتوردىڭ شىعارمالارى جارىق كوردى

وسكەمەن. قازاقپارات - قازاقستان رەسپۋبليكاسى پرەمەر- ءمينيسترىنىڭ ورىنباسارى گۇلشارا ءابدىقالىقوۆا جۇمىس ساپارىمەن شىعىس قازاقستان وبلىسىنا كەلدى، دەپ حابارلايدى قازاقپارات ءتىلشىسى.

ۆيتسە- پرەمەر اۋەلى سەمەي قالاسىنىڭ قازاق يننوۆاتسيالىق گۋمانيتارلىق- زاڭ ۋنيۆەرسيتەتىندە «اباي الەمى» كەڭ كولەمدى كىتاپ كورمەسىنىڭ جۇمىسىمەن تانىستى. وبلىس اكىمى دانيال احمەتوۆ بۇل جوبانىڭ «رۋحاني جاڭعىرۋ» باعدارلاماسى اياسىندا جۇزەگە اسىپ جاتقانىن ايتتى.

 «اباي الەمى» كىتاپتار توپتاماسى - «رۋحاني جاڭعىرۋ» ۇلتتىق باعدارلاماسى اياسىندا قازاقستاناننىڭ مادەنيەتى مەن ادەبيەتىنىڭ دامۋىنا ىقپال ەتۋگە، شىعىستان شىققان ۇلى تۇلعالار مەن اقىن- جازۋشىلاردىڭ تۋىندىلارىن قايتا جاڭعىرتىپ شىعارۋعا، كوركەم ادەبيەت ارقىلى جاستاردى وتانسۇيگىشتىككە تاربيەلەۋگە باعىتتالعان بەس جىلدىق ادەبي جوبا. 2018 -جىلى جوبا اياسىندا جەرگىلىكتى اۆتورلاردىڭ 16 كىتابى جارىققا شىعىپ، وبلىس كىتاپحانالارىنا تاراتىلدى» ، - دەدى د. احمەتوۆ.

اكىمنىڭ ايتۋىنشا، باسىلىمنىڭ باستى ەرەكشەلىگى - كىتاپقا العى ءسوز رەتىندە ابايتانۋدىڭ باستاۋىندا تۇرعان كاكىتاي ىسقاق ۇلى، احمەت بايتۇرسىن ۇلى، مۇحتار اۋەزوۆ ماقالالارىنىڭ تۇڭعىش رەت بىرگە جاريالانۋىندا.

 شاكارىمنىڭ 160 جىلدىعى قارساڭىندا شىعارمالارى 2 توم بولىپ باسپا كورىپ، اقىننىڭ 1911-1912 -جىلدارى سەمەي، ورىنبور قالالارىندا توتە جازۋمەن جارىق كورگەن كىتاپتارى، XX عاسىردىڭ باسىندا مەرزىمدى باسىلىمداردا جارىق كورگەن اۋدارمالارى بەرىلگەن.

 
ش ق و - دا «اباي الەمى» جوباسى اياسىندا 16 اۆتوردىڭ شىعارمالارى جارىق كوردى

«اباي جولى» رومان- ەپوپەياسىن ورىس تىلىنە اۋدارعان رەسەيلىك جازۋشى، اۋدارماشى اناتولي كيمنىڭ اۋدارما نۇسقاسى جارىققا شىعارىلعان.

«بۇل شىعارمالارعا العى ءسوز رەتىندە جازۋشىنىڭ ۇلى مۇرات اۋەزوۆ پەن نەمەرەسى ديار قونايەۆتىڭ ماقالالارى ەندى. اباي، مۇحتار، شاكارىم شىعارمالارىن جوعارى باعالاعان، قازاقستاننىڭ تۇڭعىش حالىق اقىنى - تولەۋ كوبدىكوۆ. اقىننىڭ شىعارمالارى بۇرىن باسپا كورمەگەن تۋىندىلارىمەن تولىقتىرىلىپ، ءبىرىنشى رەت تولىق تۇردە جاريالاندى» ، - دەدى ايماق باسشىسى.

 ادەبي جوبا اياسىندا تۇڭعىش رەت فەدور دوستويەۆسكيدىڭ سەمەيدە تۇرعان جىلدارى جازعان شىعارمالارى جاريالانىپتى. ەۋروپانى تامسانتقان امىرە قاشاۋبايەۆ جايلى ەستەلىكتەر جيناعى « ءانشى امىرە» اتاۋىمەن قازاق جانە ورىس تىلدەرىندە ءبىر كىتاپقا توپتاستىرىلىپ باسپا كوردى. كىتاپقا ءانشى جايلى ەڭ ۇزدىك ماقالالار مەن جارقىن شاكارىمنىڭ 2016 -جىلى ورىس تىلىندە شىعارعان «امرە ۆ پاريجە» كىتابى تولىقتاي ەنىپ وتىر.

شىعىس وڭىرىنەن شىققان بالالار جازۋشىسى، بالالار كىتابى بويىنشا ح. ك. اندەرسەن اتىنداعى قۇرمەت ديپلومىنىڭ يەگەرى مارات قابانبايەۆتىڭ بالالارعا ارنالعان «چەتىرە ۆرەمەني رودنوي زەملي» اتتى پروزالىق شىعارمالارى العاش رەت ورىس تىلىندە شىعىس وڭىرىندە جارىق كورىپ، جاسوسپىرىمدەرگە ۇسىنىلدى.

«اباي الەمى» جوباسى اياسىندا جارىق كورەتىن اۆتورلاردىڭ كىتاپتارى الداعى جىلى دا باسىلىپ شىعا بەرەدى. بيىلعى جىل جاستار جىلى بولىپ جاريالانعاندىقتان، شىعىس ءوڭىرىنىڭ جاس تالانتتارىنىڭ شىعارمالارى دا جارىق كورمەك.

 


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات