ءبىر اۋرۋحانادا ىستەيتىن 16 مەدبيكەنىڭ اياعى اۋىر
مەساداعى مەديتسينالىق ورتالىقتىڭ جانساقتاۋ بولىمىندە ىستەيتىن ون التى مەدبيكەنىڭ ءبارى جۇكتى بولىپ شىقتى.
«ءبىرازىمىز بەدەۋلىكتەن ەمدەلگەنبىز. ءبارىمىزدىڭ اياعىمىز اۋىر ەكەنىن بىلگەندە تاڭعالدىم. جۇكتىلىكتى جوسپارلاماعان ەدىم. ءبارى كەلىسىپ الىپ، مەن عانا بىلمەي قالدىم با دەپ ويلادىم»، - دەيدى مەدبيكەلەردىڭ ءبىرى.
ءبىراق ەشقانداي كەلىسىم بولماعان. بۇل جاي عانا كەزدەيسوقتىق ەكەن.
مەدبيكەلەر قازىر اسحانادا بىرگە تاماقتانىپ، جەرىگىن باسىپ جاتادى. ولارعا ارناپ اسپازدار ارنايى پايدالى تاعامدار دا ازىرلەپ قويادى ەكەن.
اۋرۋحانا باسشىلىعى دا بولاشاقتا مەدبيكەلەردىڭ جەتىسپەي قالۋى مۇمكىن ەكەنىن ەسكەرىپ، جوسپار قۇرىپ جاتىر. قىركۇيەك جانە اقپان ايلارىندا بوساناتىن مەدبيكەلەر 12 اپتا دەمالىس الادى.
اۋرۋحانا ءار مەدبيكەگە سابيگە ارنالعان كيىم سىيلادى، وندا: «ساسپا... مەنىڭ انام - مەدبيكە!» دەپ جازىلعان.
دەرەككوز: Sputniknews.kz