قازاقستان التىن قورى بويىنشا الەمدە 16-ورىندا - ۇلتتىق بانك
«قازىرگى ۋاقىتتا ۇلتتىق بانكتىڭ التىن-ۆاليۋتا رەزەرۆتەرىنىڭ قۇرىلىمىنداعى التىن كولەمى 42,3 پايىزعا جەتتى. بۇل تاريحي تۇرعىدان ەڭ جوعارى شاما (التىننىڭ ەڭ از 7,2 پايىز ۇلەسى 2006-جىلى بايقالدى) بولىپ تابىلادى. قۇن بويىنشا بۇل كولەم 12,9 ميلليارد ا ق ش دوللارىن، ال ناقتى شامادا 323 توننانى قۇرايدى. دۇنيەجۇزىلىك التىن جونىندەگى كەڭەستىڭ دەرەكتەرى بويىنشا قازاقستان التىن رەزەرۆتەرى بويىنشا الەمدە 16-ورىندا»، - دەپ اتاپ وتەدى دانيار اقىشيەۆ.
ونىڭ ايتۋىنشا، التىن كولەمى 2011-جىلدان بەرى ايتارلىقتاي ءوستى. ول كەزدە ۇلتتىق بانككە زاڭنامالىق دەڭگەيدە وتاندىق وندىرۋشىلەردەن تازارتىلعان التىندى باسىمدىقپەن ساتىپ الۋ قۇقىعى بەرىلگەن ەدى.
«تيىسىنشە، ۇلتتىق بانكتىڭ ناقتى التىنىنىڭ ەداۋىر كولەمى ونى گەوساياسي تاۋەكەلدەردەن قورعاي وتىرىپ، قازاقستاننىڭ اۋماعىندا ساقتالۋدا. ناقتى التىن دەپوزيتكە ورنالاستىرۋعا بولاتىن اللوكيرلەنبەگەن التىنعا قاراعاندا كىرىس اكەلمەيتىنىن اتاپ وتەمىن»، - دەدى ول.
اۆتور: مارلان جيەمباي