وتباسى 16 شارشى مەترگە بىرنەشە بولمەلى ءۇي سالىپ العان - فوتو
بۇل تۋرالى Segodnya.ua-عا سىلتەمە جاساپ Stan.kz حابارلايدى
«ءبىز سۋحاريەۆتا 350 ا ق ش دوللارعا پاتەر جالداپ تۇراتىنبىز. وعان اي سوڭىندا كوممۋنالدىق قىزمەت اقىسى قوسىلادى. ءارى-بەرى ويلانىپ، نەگە شاعىن ءۇي سالىپ، كوپ شىعىندالماي ءومىر سۇرمەسكە دەپ ويلادىق»، - دەيدى ءۇي يەلەرى.
بۇل ۇيدە جىل ون ەكى اي تۇرۋعا بولادى: مۇندا باللوندى گاز بەن ەلەكتر جارىعى بار، ال قابىرعا، ەدەن جانە شاتىر مينەرالدى ماقتامەن جىلىتىلعان. قۇرىلىس جابدىقتارىنا 4600 ا ق ش دوللارى كەتكەن.
ءۇيدىڭ سىزباسىن ءبىر ستۋدەنتكە ارناپ شاعىن ءۇي سالۋدى جوسپارلاعان نەمىس ساۋلەتشىسىنىڭ جوباسىنان الىپتى. نەمىس ءۇيى 3*3 ەسەبىمەن قۇرىلعان بولسا، مۇنداعى ەسەپ 4*4 شارشى مەتر.
«ءۇيدىڭ تىرەگى نەگىزگى عيماراتتارعا ارنالعان اعاش سۇرەگىنىڭ قالدىقتارىنان قۇرىلدى. كيىمگە ارنالعان شكاف، كەرەۋەت، ەسىكتەر مەن سورەلەر - بارشاسىن ءوز قولىممەن جاسادىم. تەرەزە مۇلدەم ارزانعا ءتۇستى: شىنى پاكەتتەردى ساتىپ الىپ، اعاش جاقتاۋلاردى ءوزىمىز جاساپ شىقتىق. لاميناتتى %70 ارزان باعامەن ساتىپ الدىم. نەگىزىنەن قۇرىلىس جابدىقتارىن عالامتوردان تاپسىرىس بەرىپ الدىردىق، سەبەبى سالىستىرىپ قاراساق عالامتورعا قاراعاندا بازاردا قىمباتىراق ەكەن. اس ءۇيدىڭ جابدىقتارىن ساتىپ المادىق، جالدامالى پاتەردەگى زاتتارىمىزدى اكەلىپ، جاڭادان قۇراستىرىپ شىقتىق»، - دەيدى ءۇي يەسى ۆيكتور.
ءۇي توبەسىنىڭ بيىكتىگى - 3,8 مەتر. ءدال وسى سەبەپتى شاعىن ۇيگە كوپ زاتتاردى ورنالاستىرۋعا بولادى.
ءۇي كىشكەنتاي عانا كىرە بەرىس بولمەدەن باستالادى، باسپالداقپەن تومەن تۇسكەندە قوناق بولمە، ال ەكى باسپالداق جوعارى كوتەرىلگەندە الدىڭىزدان اس ءۇي شىعادى.
شاتىر استىندا تۇرعىندار ۇيىقتاسا، اس ءۇيدىڭ استىندا زاتتاردى ساقتاپ قوياتىن قويما بار. كىر جۋاتىن ماشينە مەن بويلەردى دە سول جەردەن تاباسىز. جوعارعى «قاباتتا» كولەمى 1,4*2 مەترلىك ەكى كىسىلىك كەرەۋەت بار.
سونىمەن قاتار، دۋش پەن اجەتحاناسى دا بار بۇل شاعىن ءۇيدىڭ ىشىندە ەمىن-ەركىن ءومىر سۇرۋگە بولادى. وتباسى كۇزدىگۇنى كەڭدەۋ ۇيگە قونىس اۋدارامىز دەپ ۇمىتتەنەدى.