قۇدايبەرگەن جۇبانوۆ 16 ءتىل بىلگەن ەكەن

None
None
نۇر-سۇلتان. قازاقپارات - قازاقتىڭ ءتىل ءبىلىمى سالاسىنداعى العاشقى پروفەسسور، تۇركىتانۋشى، پەداگوگ قۇدايبەرگەن جۇبانوۆ 16 ءتىل بىلگەن ەكەن.

باستاپقىدا مەشىتتەن ءدارىس الىپ اراب ءتىلىن ۇيرەنگەن ول كەيىن پارسى، ورىس، موڭعول، چۋۆاش، كومي، گۇرجى، لاتىن، تۇرىك، جاپون، فرانسۋز، اعىلشىن جانە نەمىس تىلدەرىن دە جەتىك مەڭگەرگەن.

بۇل تۋرالى عالىمنىڭ ۇلى اسقار جۇبانوۆ ايتقان.

«اكەمىز نەبارى 38 جىل ءومىر ءسۇردى، وتە ەرتە كەتتى. سونىڭ وزىندە تابيعاتتىڭ بەرگەن دارىنىنىڭ ارقاسىندا ارتىندا وشپەس مول مۇرا قالدىردى. ول قازاق ءتىلىنىڭ بارلىق سالاسىنا ەڭبەك ءسىڭىردى. ءبىر تاڭقالارلىعى، اكەمىز ون التى ءتىل بىلگەن ەكەن. سونىڭ ارقاسىندا ەۋروپا، تۇرىك تىلدەرىن سالىستىرمالى زەرتتەۋ ارقىلى قازاق ءتىلىنىڭ گرامماتيكاسىن جاسادى. ءسويتىپ قازاق ءتىلىنىڭ تەوريالىق نەگىزىن قالادى»، - دەيدى ا. بايتۇرسىن ۇلى اتىنداعى ءتىل ءبىلىمى ينستيتۋتىنىڭ پروفەسسورى اسقار جۇبانوۆ.

بۇل رەتتە پروفەسسور كەيىنگى جاستار جۇبانوۆ مۇرالارىن زەرتتەپ، ونىڭ ءىزىن جالعاستىرىپ جۇرگەنىن، ەڭ باستىسى عالىم مۇراسى جاڭا كوزقاراس تۇرعىسىنان قارالا باستاعانىن العا تارتادى.


جۇبانوۆ قۇدايبەرگەن قۋان ۇلى- 1899 - جىلى اقتوبە وبلىسى، تەمىر اۋدانىندا دۇنيەگە كەلگەن. 1937 - جىلى جالعان ساياسي ايىپپەن تۇتقىندالىپ، اتۋ جازاسىنا كەسىلدى. 1957 -جىلى 3 - قازاندا ك س ر و جوعارعى سوتى اسكەري القاسىنىڭ شەشىمىمەن اقتالدى. اقتوبە مەملەكەتتىك ۋنيۆەرسيتەتىنە، وسى قالاداعى ءبىر كوشەگە جۇبانوۆ ەسىمى بەرىلگەن.

اۆتور: قانات مامەتقازى ۇلى


سوڭعى جاڭالىقتار