الەمدەگى ەڭ قىمبات قالالار رەيتينگىندە نيۋ-يورك كوش باستادى، الماتى 166-ورىندا

استانا. قازاقپارات - Economist بريتان جۋرنالىنىڭ تالداۋ ءبولىمى ەڭ قىمبات قالالاردىڭ كەزەكتى رەيتينگىسىن جاريالادى، دەپ حابارلايدى قازاقپارات bbc-گە سىلتەمە جاساپ.

2022 -جىلعى رەيتينگ قورىتىندىسى بويىنشا نيۋ-يورك پەن سينگاپۋر كوش باستادى.

رەيتينگتى جاساعان Economist Intelligence Unit الەمنىڭ 172 ءىرى قالاسىندا باعا ءبىر

جىلدا %8,1 كوتەرىلگەنىن اتاپ ءوتتى.

بۇل - جۋرنال الەمدەگى ءومىر ءسۇرۋ قۇنى تۋرالى دەرەكتەردى جيناعان سوڭعى 20 جىل ىشىندەگى ەڭ ۇلكەن كورسەتكىش.

نيۋ-يورك العاش رەت الەمدەگى ەڭ قىمبات قالالار رەيتينگىسىندە كوش باستادى.

بۇل ا ق ش-تاعى جوعارى ينفلياتسيا مەن دوللاردىڭ جوعارى باعامىنا بايلانىستى بولىپ وتىر. وتكەن جىلى تەل-اۆيۆ ءبىرىنشى ورىندا بولسا، قازىر ول ءۇشىنشى ورىندا تۇر.

2022 -جىلعى الەمدەگى ەڭ قىمبات قالالار:

1. نيۋ-يورك

2. سينگاپۋر

3. تەل-اۆيۆ

4. گونكونگ

5. لوس-انجەلەس

6. سيۋريح

7. جەنەۆا

8. سان-فرانسيسكو

9. پاريج

10. سيدنەي

10. كوپەنگاگەن

تىزىمدەگى بارلىق قاراستىرىلعان قالالاردىڭ ىشىندە رەسەيدىڭ ماسكەۋ جانە سانكت- پەتەربۋرگ مەگاپوليستەرىندە ۇلكەن وزگەرىس بايقالدى.

ولار سايكەسىنشە بىردەن 88 جانە 70 پوزيتسياعا اۋىستى (2022 -جىلعى جالپى رەيتينگتە رەسەي استاناسى – 37، ال سانكت-پەتەربۋرگ - 73-ورىندا).

بايانداما اۆتورلارى اتاپ وتكەندەي، كاپيتال قوزعالىسىن باقىلاۋ، يمپورتتى شەكتەۋ جانە ەۋروپالىق گاز تولەمدەرىن رۋبلگە اۋدارۋ رەسەي ۆاليۋتاسىن نىعايتۋعا كومەكتەستى.

سونىمەن قاتار، رەسەيدىڭ وزىندە باعا 2022 -جىلدىڭ اقپانىندا ر ف-عا سالىنعان سانكسيالارعا بايلانىستى كوتەرىلدى.

زەرتتەۋ اۆتورلارىنىڭ ايتۋىنشا، ماسكەۋدەگى ينفلياتسيا وتكەن جىلمەن سالىستىرعاندا - %17، ال سانكت- پەتەربۋرگتە - %19,4 قۇرادى.

ليۆيانىڭ تريپوليى مەن سيريا استاناسى داماسك - الەمدەگى ەڭ ارزان قالالار.

سونداي-اق ولاردىڭ قاتارىندا قازاقستاننىڭ ەڭ ءىرى قالاسى الماتى مەن وزبەكستان استاناسى تاشكەنت تە بار.

ەڭ ارزان قالالار:

161. كولومبو

161. بانگالور

161. الجير

164. چەنناي

165. احمەداباد

166. الماتى

167. كاراچي

168. تاشكەنت

169. تۋنيس

170. تەگەران

171. تريپولي

172. داماسك