قازاقستاندا 1665 ادام وتاندىق ۆاكسينا سالدىردى
«1665 ادام «QazVac» ۆاكسيناسىن سالدىردى»، - دەلىنگەن ق ر دەنساۋلىق ساقتاۋ مينيسترلىگى تاراتقان اقپاراتتا.
ەستەرىڭىزگە سالا كەتسەك، 22- ءساۋىر كۇنى بيولوگيالىق قاۋىپسىزدىك مامەلەلەرى جونىندەگى عىلىمي- زەرتتەۋ ينستيتۋتى عالىمدارى ازىرلەگەن COVID-19-عا قارسى قازاقستاندىق «QazVac» ۆاكسيناسىنىڭ العاشقى پارتياسى جونەلتىلگەن بولاتىن. ۆاكسينانىڭ العاشقى 50 مىڭ دوزاسى «س ق- فارماتسيانىڭ» حابتارىنا تاراتىلىپ، ودان ءارى ەلىمىزدىڭ بارلىق وڭىرلەرىندەگى دەنساۋلىق ساقتاۋ باسقارمالارىنىڭ قويمالارىنا جەتكىزىلگەن ەدى. ودان ارى ۆاكسينانىڭ 6 مىڭ دوزاسىن نۇر- سۇلتان مەن الماتى قالالارى، 4 مىڭ دوزاسىن شىمكەنت قالاسى جانە قاراعاندى، شىعىس قازاقستان، الماتى وبلىستارى الدى. قالعان وڭىرلەرگە 2 مىڭ دوزادان جەتكىزىلدى. ال كەشە دەنساۋلىق ساقتاۋ ءمينيسترى الەكسەي سوي العاشقىلاردىڭ ءبىرى بولىپ ك ۆ ي- گە وتاندىق «QazVac» ۆاكسيناسىن تىكەلەي ەفيردە سالدىردى.
ايتا كەتەيىك، «QazVac» جاسالۋى جاعىنان بەلسەندى ەمەس ولتىرىلگەن ۆاكسينا قولدانىلادى. ول ساقتاۋ جانە تاسىمالداۋدىڭ ارنايى تەمپەراتۋراسىن قاجەت ەتپەيدى. مۇنداعى رەجيم ەكىدەن سەگىز گرادۋسقا دەيىن عانا. ياعني، ۆاكسينانى ساقتاۋ ءۇشىن قاراپايىم تۇرمىستىق توڭازىتقىشتى قولدانۋعا بولادى.
اۆتور: مارلان جيەمباي