سولتۇستىك قازاقستاندا قۇس تۇماۋىنان 164 مىڭ قۇس قىرىلدى

None
None
پەتروپاۆل. قازاقپارات - سولتۇستىك قازاقستان وبلىسى وڭىرلىك كوممۋنيكاتسيالار قىزمەتىندە ۆەتەريناريا باسقارماسىنىڭ باسشىسى بەرىك ءالجانوۆ وڭىردەگى قۇس تۇماۋىنا قاتىستى جاعدايدى ايتىپ بەردى، دەپ حابارلايدى قازاقپارات ءتىلشىسى.

س ق و ۆەتەريناريا باسقارماسىنىڭ باسشىسى بەرىك ءالجانوۆتىڭ ايتۋىنشا، 25 - قىركۇيەكتەگى جاعداي بويىنشا وڭىردە قۇس تۇماۋى 11 اۋداننىڭ 39ەلدىمەكەنىندە تىركەلدى. سالدارىنان 164175 باس ءارتۇرلى ءۇي قۇسى قىرىلدى. سونىڭ 14 مىڭنان استامى - جەكە اۋلالاردا، قالعان 150 مىڭعا جۋىق قۇس - «بەسكول قۇس فابريكاسىندا» ولگەن. «وبلىستىڭ 8 اۋدانىنداعى 18 ەلدىمەكەن كارانتينگە جابىلدى. 13 ەلدىمەكەن بويىنشا پاتولوگيالىق ماتەريالعا زەرتحانالىق زەرتتەۋ جۇرگىزىلىپ جاتىر. بۇل اۋىلداردا قۇس تۇماۋى راستالعان جاعدايدا ولار دا كارانتينگە جابىلادى»، - دەيدى بەرىك ءالجانوۆ.

س ق و- دا قۇس تۇماۋىن جويۋ جانە ونىڭ ودان ءارى تارالۋىنا جول بەرمەۋ ماقساتىندا كەشەندى ءىس- شارالار جوسپارى ازىرلەندى. اتقارىلاتىن جۇمىستاردى ۇيلەستىرۋ جونىندەگى جەدەل شتاب قۇرىلدى.

«ينفەكسيا وشاعىنان 20 ك م راديۋستاعى جەكە اۋلالاردا ءۇي قۇستارىنا ۆاكسينا ەگىلىپ جاتىر. وسى كۇنگە دەيىن 85559 قۇسقا ۆاكسينا ەگىلدى. بۇل جۇمىستارعا 32 ارنايى تەحنيكا مەن جەكە قۇرام - 201 ادامنان تۇراتىن ۆەتەريناريالىق ماماندار جۇمىلدىرىلدى»، - دەدى بەرىك ءالجانوۆ.

ماماننىڭ ايتۋىنشا، بيىل جوسپار بويىنشا 600 مىڭ قۇسقا ۆاكسينا ەگىلۋى ءتيىس ەدى. بۇل جۇمىستار كەي اۋدانداردا ەپيدەمياعا دەيىن جۇرگىزىلدى.

اۆتور: اقەركە داۋرەنبەك قىزى


سوڭعى جاڭالىقتار