USD 425.02 EUR 450.1
RUB 7.17 CNY 63.75
جاڭالىقتار

مەملەكەت باسشىسى ەل بايلىعىنىڭ جارتىسىن ۋىسىندا ۇستاپ وتىرعان 162 ادام تۋرالى: بۇلاي كەتە بەرۋگە بولمايدى

21 قاڭتار 15:26
:ءبولىسۋ
مەملەكەت باسشىسى ەل بايلىعىنىڭ جارتىسىن ۋىسىندا ۇستاپ وتىرعان 162 ادام تۋرالى: بۇلاي كەتە بەرۋگە بولمايدى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ حالىقتىڭ تابىسىنداعى تەڭسىزدىك تۋرالى ايتتى، دەپ حابارلايدى قازاقپارات ءتىلشىسى.

«2020 -جىلعى ۇلتتىق تابىس قۇرىلىمىندا بيزنەستىڭ تابىسى ەڭ جوعارى ۇلەستى العان - % 61,5. سالىقتاردىڭ ۇلەسى نەبارى % 7,3، ال قازاقستاندىقتاردىڭ جالاقىسىنىڭ ۇلەسى ۇشتەن بىرگە دە جەتپەيدى - 31 پايىزدان از. بۇل وتە از. مىسالى، رەسەيدىڭ ەكونوميكالىق قۇرىلىمى بىزگە ۇقساس بولعانىمەن، ەڭبەككە اقىنىڭ ۇلتتىق تابىستاعى ۇلەسى % 46,7 بولىپ وتىر. ياعني بىزدىكىنەن 1,5 ەسە كوپ. ۇلتتىق تابىستى ءادىل ءبولۋدىڭ ايقىن تەڭگەرىمسىزدىگى مەن كورىنەۋ پروبلەماسى بار. حالىقارالىق ساراپشىلار، اتاپ ايتقاندا KPMG، قازاقستان ءال- اۋقاتىنىڭ جارتىسىنا بار- جوعى 162 ادام يەلىك ەتىپ وتىرعانىن مالىمدەدى. ال حالىقتىڭ جارتىسىنىڭ اي سايىنعى تابىسى 50 مىڭ تەڭگەدەن اسپايدى. بۇل جىلدىق تابىسى 1300 دوللاردان ارەڭ اسادى دەگەن ءسوز. مۇنداي اقشاعا، ارينە، ءومىر ءسۇرۋ مۇمكىن ەمەس»، - دەدى پرەزيدەنت قازاقستاننىڭ ءىرى بيزنەس وكىلدەرىمەن كەزدەسۋدە.

سونداي- اق ەلدە ەكونوميكالىق ءوسىم بار بولعانىمەن ونىڭ يگىلىگىن شەكتەۋلى ەليتالىق توپتار كورىپ وتىرعانىن، حالىقتىڭ باسىم بولىگنىڭ تابىسى ازايۋى مەملەكەت قاۋىپسىزدىگىنە ەلەۋلى قاۋىپ توندىرەدتىنىن ەسكەرتتى.

«بۇل قوعامنىڭ ەكونوميكالىق، الەۋمەتتىك تۇرعىدا، ودان كەيىن ساياسي بولىنۋىنە اكەلۋى مۇمكىن. ونداي جىكشىلدىكتىڭ العاشقى بەلگىلەرى سۋ بەتىنە شىعىپ تا ۇلگەردى. ارينە، بۇلاي كەتە بەرۋگە بولمايدى. تاۋەلسىزدىك الىپ، بيزنەستىڭ دامۋىنا قولايلى جاعدايلار جاسالعاننان كەيىن كاسىپكەرلەر تابىن قالىپتاستىرۋ مەملەكەتتىك ساياساتتىڭ باستى باعىتى بولدى. سالىقتىق جەڭىلدىكتەر، پرەفەرەنتسيالار، قارجىلىق جانە قارجىلىق ەمەس قولداۋ شارالارى ۇسىنىلدى. ەكونوميكالىق مودەل بيزنەسكە دامۋعا مۇمكىندىك بەرسە، جۇمىس ورىندارى مەن حالىقتىڭ تابىسى سونىڭ ەسەبىنەن ارتادى دەگەن سەنىم بولدى. بۇل كوپ جاعدايدا جۇمىس ىستەدى، ءبىراق كۇتكەن ناتيجەنى تولىق كولەمدە الا المادىق»، - دەدى قاسىم- جومارت توقايەۆ.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات