كوروناۆيرۋستىڭ ەكىنشى تولقىنىندا 162 مىڭ ادام جۇمىسسىز قالۋى مۇمكىن – مينيستر
«COVID ىندەتىنىڭ ەڭبەك نارىعى ءۇشىن قاتەرى مەن تەرىس اسەرى ءالى دە بار. ەگەر كوروناۆيرۋستىڭ ەكىنشى تولقىنى كەلىپ جاتسا جانە قاتاڭ شەكتەۋ شارالارى قابىلدانسا، وندا ءبىزدىڭ باعالاۋىمىزشا 2,2 ميلليوننان استام ادام قولداۋعا مۇقتاج بولۋى مۇمكىن. وسى جاعدايدا بولجام بويىنشا جۇمىسپەن قامتىلعان حالىقتىڭ جارتىسىنا جۋىعى نەمەسە 4 ميلليون ادام جۇمىسىن ساقتاپ قالادى»، - دەدى مينيستر ماجىلىستەگى ۇكىمەت ساعاتىندا. ونىڭ دەرەگىنشە، نەگىزىنەن اۋىل شارۋاشىلىعى، قۇرىلىس، ءوندىرىس جانە دەنساۋلىق ساقتاۋ سالالارىندا ەڭبەك ەتەتىن ادامدار جۇمىسىن ساقتاپ قالادى.
«ۇشتەن ءبىرى نەمەسە 2,5 ميلليون ادام قاشىقتان ورىندالاتىن جۇمىس رەجيمىنە اۋىسۋى مۇمكىن. 2 ميلليون ادامنىڭ جۇمىس ۋاقىتى قىسقارىپ، ولار اقىلى نەمەسە باسىم بولىگى اقىسىز دەمالىسقا شىعارىلۋى ىقتيمال. بۇل - ءبىرىنشى كەزەكتە ساۋدا، كولىك، تۇتىنۋ جانە تاماقتانۋ قىزمەتتەرى سالاسىنداعى قىزمەتكەرلەر. باعالاۋ بويىنشا 162 مىڭ ادام جۇمىسسىز قالۋى مۇمكىن»، - دەدى مينيستر.