قۇنى 160 مىڭ دوللار بولاتىن ساف التىن تابىلدى

سيدنەي. قازاقپارات - ارزان مەتالل ىزدەگىشى بار اۋستراليا ازاماتى قۇرامىندا 240000 اۋستراليالىق دوللار (160000 ا ق ش دوللارى) تۇراتىن التىن بار، سالماعى 4,6 كەلىلىك تاس تاۋىپ الدى، دەپ حابارلايدى قازاقپارات BBC News-كە سىلتەمە جاساپ.

اتىن اتاۋدان باس تارتقان ازامات باعالى تاستى 1800-جىلدارى اۋستراليادا التىن دۇرلىكپەسى بولعان ۆيكتوريا كەن ورنىنان تاپقان.

ساف التىننىڭ ۇلگىسىن باعالاپ، ساتىپ العان التىن ساتۋشى داررەن كەمپ 43 جىلدىق مانسابىندا مۇنداي ۇلكەن التىندى ءبىرىنشى رەتىن كورىپ وتىرعانىن ايتتى.

«مەن ابدىراپ قالدىم... مۇنداي تابىس ومىردە ءبىر- اق رەت بولادى»، - دەدى ول BBC News-كە.

4,6 كەلىلىك تاس قۇرامىندا جالپى 83 ۋنتسيا نەمەسە 2,6 كەلى التىن بار.

كەپمتىڭ سوزىنشە، التىندى تاپقان ازامات اقشانى وتباسىنا جۇمساۋدى جوسپارلاپ وتىر.

اۋستراليادا الەمدەگى التىن قورى ەڭ كوپ ەلدەردىڭ ءبىرى جانە الەمدەگى ءىرى ساف التىنداردىڭ كوبى ءدال وسى ەلدەن تابىلعان.

اۆتور

بالنۇر قوجاگەلدى