ۇ ب ت- نىڭ العاشقى كۇنى: 160 ادام وقۋعا ءتۇسۋ مۇمكىندىگىنەن ايىرىلدى
ق ر ءبىلىم جانە عىلىم مينيسترلىگىنىڭ مالىمەتىنشە، بيىل ۇ ب ت تاپسىرۋدا باقىلاۋ كۇشەيتىلدى. ءار اۋديتوريا ۆيدەوكامەرالارمەن جابدىقتالعان.
«قاتىسۋشىلار مەتال ىزدەگىشتەن وتپەس بۇرىن ەرەجەلەردى ۇستانۋ تۋرالى مىندەتتەمەلەرمەن تانىسىپ، تىيىم سالىنعان زاتتاردىڭ جوقتىعى تۋرالى قۇجاتقا قول قويادى. تىيىم سالىنعان زاتتاردى قولدانۋعا جاسالعان كەز كەلگەن ارەكەت تەست ناتيجەلەرىن جارامسىز ەتەدى، قاتىسۋشى اۋديتوريادان شىعارىلادى جانە وسى جىلى ۇ ب ت- نى قايتا تاپسىرا المايدى. العاشقى كۇنى تىيىم سالىنعان زاتتاردى الىپ وتۋگە تىرىسقان 73 جانە تەست تاپسىرۋ بارىسىندا ۇ ب ت ەرەجەلەرىن بۇزعان 87 تالاپكەر، ياعني 160 ادام تەست تاپسىرۋ مۇمكىندىگىنەن ايىرىلدى. ولاردىڭ باسىم كوپشىلىگى تۇركىستان وبلىسى مەن شىمكەنت قالاسىندا تىركەلگەن»، - دەپ حابارلادى ق ر ب ع م باسپا ءسوز قىزمەتىنەن.
25- تامىزعا دەيىن ءار اۋديتوريادان الىنعان بەينەجازبانى ماماندار زەردەلەيدى. ەگەر بەينەماتەريالداردى تالداۋ كەزىندە ەرەجەلەردى بۇزۋ فاكتىلەرى انىقتالسا، تالاپكەردىڭ تەست ناتيجەلەرى جويىلادى. ەگەر قاتىسۋشىعا گرانت تاعايىندالعان بولسا، ول قايتارىلادى.
ايتا كەتەيىك، بيىل 21- ماۋسىم مەن 5- شىلدە ارالىعىندا ەلىمىزدىڭ بارلىق وڭىرىندە ۇلتتىق ءبىرىڭعاي تەستىلەۋ وتەدى. ۇ ب ت- نىڭ ءبىرىنشى كۇنى 6512 ادام تەستىلەۋدەن ءوتۋدى جوسپارلاعان. ءبىراق 144 تالاپكەر ۇ ب ت وتكىزۋ پۋنكتەرىنە كەلمەدى.
تەستىلەۋگە كىرگىزۋ بارىسىندا 2 تالاپكەردە جوعارى تەمپەراتۋرا انىقتالدى، ولار ۇ ب ت- نى باسقا كۇنى، ساۋىققان سوڭ تاپسىرا الادى. سايكەسىنشە بۇگىن 6206 ادام ۇ ب ت ناتيجەلەرىن الادى. قاتىسۋشىلارعا ەلەكتروندى سەرتيفيكات بەرىلەدى.