الەم چەمپيوناتىن كورۋ ءۇشىن 1600 شاقىرىمدى 55 كۇندە جاياۋ ءجۇرىپ وتكەن فۋتبول جانكۇيەرى

استانا. قازاقپارات - ساۋد ارابياسى تۇرعىنى ابدۋللا ءال-سالمي كاتاردا ءوتىپ جاتقان الەم چەمپيوناتىن تاماشالاۋ ءۇشىن 1600 شاقىرىمدى جاياۋ ءجۇرىپ ءوتتى.

بۇل تۋرالى BBC جازدى.

ابدۋللا ءال-سالمي ساۋد ارابياسىنىڭ جيددا قالاسىنان قاتاردىڭ استاناسى دوحاعا جاياۋ باردى. ونىڭ بۇكىل ساپارى 55 كۇنگە سوزىلدى.

«مەن ءارقاشان الەم چەمپيوناتتارىن كورگىم كەلەتىن، ءبىراق ول وتە الىس جەرلەردە وتكىزىلەتىن، وڭتۇستىك افريكادا، برازيليادا، رەسەيدە بولدى. ءبىراق اراب رەتىندە مەن اراب ەلىندە وتكەن ءبىرىنشى الەم چەمپيوناتىن كورۋىم كەرەك بولدى، بۇل مەن ءۇشىن ۇلكەن مارتەبە»، - دەپ ءتۇسىندىردى جانكۇيەر BBC- گە بەرگەن سۇحباتىندا.