ساعات 16.00 دەيىن 7,1 ميلليون قازاقستاندىق رەفەرەندۋمدا تاڭداۋىن جاسادى
بۇل تۋرالى ورتالىق رەفەرەندۋم كوميسسياسىنىڭ مۇشەسى اسىلبەك سماعۇلوۆ ايتتى، دەپ حابارلايدى قازاقپارات ءتىلشىسى.
«وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اۋماقتىق كوميسسيالارى ۇسىنعان دەرەكتەرگە سايكەس، استانا ۋاقىتىمەن ساعات 16.00 دەگى جاعداي بويىنشا وڭىرلەردەگى ازاماتتاردىڭ كەلۋى مىناداي:
اقمولا وبلىسى - 65,11،
اقتوبە وبلىسى - 53,52،
الماتى وبلىسى - 66,58،
اتىراۋ وبلىسى - 56,19،
باتىس قازاقستان وبلىسى - 57,70،
جامبىل وبلىسى - 67,36،
قاراعاندى وبلىسى - 68,69،
قوستاناي وبلىسى - 69,18،
قىزىلوردا وبلىسى - 72,26،
ماڭعىستاۋ وبلىسى - 53,13،
پاۆلودار وبلىسى - 64,58،
سولتۇستىك قازاقستان وبلىسى - 69,80،
تۇركىستان وبلىسى - 72،
شىعىس قازاقستان وبلىسى - 68,30،
نۇر-سۇلتان قالاسى - 48,40،
الماتى قالاسى - 25,95،
شىمكەنت قالاسى - 63,34 پايىز.
جالپى، ساعات 16.00 دەگى جاعداي بويىنشا رەسپۋبليكانىڭ 7127366 ازاماتى بيۋلەتەن الدى.
بۇل تىزىمگە ەنگىزىلگەن ازاماتتاردىڭ 60,80 پايىزىن قۇراپ وتىر»، - دەدى اساسىلبەك سماعۇلوۆ.
ورتالىق رەفەرەندۋم كوميسسياسى ەل تۇرعىندارىنىڭ سايلاۋ ۋچاسكەلەرىنە كەلۋىنە قاتىستى كەلەسى دەرەك ساعات 18.00 دە ۇسىنادى.
ەستەرىڭىزگە سالا كەتەيىك، ساعات 14.00 دە 6262973 ادام داۋىس بەرگەن ەدى. بۇل - تىزىمگە ەنگىزىلگەن ازاماتتاردىڭ 53,43 پايىزى.
زاڭعا سايكەس، ەگەر رەفەرەندۋمعا قاتىسۋعا قۇقىعى بار ازاماتتاردىڭ جارتىسىنان كوبى داۋىس بەرۋگە قاتىسقان بولسا رەفەرەندۋم وتكىزىلگەن دەپ سانالادى.
وسىلايشا، اۋماقتىق رەفەرەندۋم كوميسسيالارىنىڭ دەرەكتەرىنە سايكەس، زاڭمەن بەلگىلەنگەن كەلۋشىگە قول جەتكىزىلىپ وتىر.