رەسەيدە قازاق تىلىندە شىعاتىن «ومبى قازاقتارى» گازەتىنە 15 جىل تولدى
وسىدان 15 جىل بۇرىن ومبىداعى ءبىر توپ قازاق بەلسەندىلەرى انا تىلدە گازەت شىعارۋ كەرەك- دەگەن يدەيالارىن جۇزەگە اسىرادى. العاشقى اتاۋىن «اتامەكەن» - دەپ ماتەريالدىق شىعىنىن سول كەزدەگى ستۋدەنتتەر ستيپەنديالارىنا باسىپ شىعارادى. ءبىراق قارجى تاپشىلىعىنا بايلانىستى جوبا كوپ ۇزاماي توقتاپ قالدى. ءتىل جاناشىرلارى اقشا تاۋىپ، دەمەۋشىلىك جاسايدى. گازەتتىڭ اتاۋىن «ومبى قازاقتارى» دەپ اۋىستىرادى.
تورعىن اجەنوۆا، «ومبى قازاقتارى» گازەتىنىڭ باس رەداكتورى:
- سودان كەيىن اكىمشىلىككە بارىپ، گرانت ۇتىپ الدىق. سودان كەيىن گازەتىمىز اي سايىن شىعا باستادى. شىققانان كەيىن ءبىز پودپيسكا ارقىلى اۋداندارعا شىقتىق. بۇگىنگى كۇندى الساق، 21 اۋداندا ءبىزدىڭ گازەتىمىز شىعادى، 21 اۋداندا ءبىزدىڭ وقىرماندارىمىز بار.
اسقار ۋممات ۇلى، جۋرناليست:
- ءوزىمىزدىڭ ءتىلىمىزدى، مادەنيەتىمىزدى دامىتۋ ءۇشىن، بالالارعا ۇيرەتۋ ءۇشىن، ەرتەڭ ولار وسكەندە قازاق تىلىندە سويلەگەندەي، تاريحىن بىلگەندەي، سول سەبەپتەن ەڭبەكتەپ ءجۇرمىز. شاعىن كوللەكتيۆ، ءبىراق ءار اۋداندا ءوزىمىزدىڭ ادمدارىمىز بار، جاناشىرلارىمىز دەگەن سياقتى. رەداكسيادا قازىر 11 ادام تەگىن جۇمىس ىستەيدى. ماقساتتارى قازاق ءتىلىن قانداستار اراسىندا كەڭىنەن ناسيحاتتاپ، حالىقتىڭ باسىن بىرىكتىرۋ.
رۋستام گەراسيمچۋك، وڭىرلىك ساياسات جانە بۇقارالىق كوممۋنيكاتسيالار مينيسترلىگىنىڭ سەكتور مەڭگەرۋشىسى:
- وسىدان ءبىر جىل بۇرىن «ومبى قازاقتارى» گازەتىنىڭ مەرەكەلىك 50-سانى جارىق كوردى. بۇل- ۇلكەن بەلەس. مەرزىمدى باسىلىم وڭىردەگى قازاقتاردىڭ ايناسى. ومبىداعى اقپارات قۇرالدارىنىڭ ىشىندە وزىندىك ورنى بار. سوندىقتان ءبىز گازەتكە ءارقاشان قولداۋ كورسەتۋگە دايىنبىز. وسىعان دەيىن 2000 تيراجبەن شىعىپ كەلگەن باسىلىم مەجەنى 4000 داناعا جەتكىزبەك. سونداي- اق قازاق گازەتىن تەك ومبى وڭىرىندە ەمەس، رەسەي اۋماعىنا تاراتۋ جوسپاردا بار.
www.24.kz