قىتاي «شەنجوۋ-15» عارىش كەمەسىن وربيتا ستانساسىنا ۇشىرادى
بۇل تۋرالى دۇيسەنبىدە عارىشقا ۇشۋ باعدارلاماسىنىڭ قىتاي باسقارماسى ءمالىم ەتتى، دەپ حابارلايدى قازاقپاراتتىڭ مەنشىكتى ءتىلشىسى.
«29- قاراشادا بەيجىڭ ۋاقىتى بويىنشا ساعات 23:08 دە (استانا ۋاقىتىمەن 21:08 دە) «شەنجوۋ-15» باسقارىلاتىن عارىش كەمەسى ۇشىرىلادى»، - دەلىنگەن حابارلامادا.
قىتايدىڭ سولتۇستىك-باتىسىندا ورنالاسقان تسزيۋتسيۋان عارىش ايلاعىنان Long March-2F زىمىران تاسىعىشىنىڭ كومەگىمەن ۇشىرىلادى.
جوسپارعا سايكەس، ەكيپاج وربيتادا التى ايعا جۋىق ۋاقىت بولادى.
دۇيسەنبىدە «شەنجوۋ-15» ەكيپاجىنا كىرگەن ءۇش تايكوناۆتىڭ ەسىمى جاريالاندى. ولار: فەي تسزيۋنلۋن، دەن تسينمين جانە چجان لۋ.
5-10 كۇن بويى ەكى ەكيپاج وربيتا ستانساسىندا بىرگە بولادى. اۋىسىمنان كەيىن الدىڭعى «شەنجوۋ-14» ميسسياسىنىڭ ءۇش تايكوناۆتى جەرگە ورالادى.
«شەنجوۋ-15» ەكيپاجى ق ح ر- دىڭ ءبىرىنشى وربيتا ستانتسياسىنىڭ قۇرىلىسىن اياقتايدى.
نەگىزگى مودۋل جانە «ۆەنتيان» مەن «مەنتيان» ەكى زەرتحانالىق مودۋل قازىردىڭ وزىندە ءتۇيىسىپ، شتاتتىق رەجيمدە جۇمىس ىستەپ تۇر.
ق ح ر وربيتا ستانتسياسى شامامەن 400 ك م بيىكتىكتە ورنالاسقان جانە 10 جىلدان استام پايدالانۋعا ارنالعان.
وسى ۋاقىتقا دەيىن ستانتسياعا ءارقايسىسى ءۇش ادامنان تۇراتىن ءۇش ەكيپاج كەلدى.