ۇسىك، ەكپىندى جەل: سينوپتيكتەر 15 وڭىردە ەسكەرتۋ جاريالادى
19 تامىز 20:22

ۇسىك، ەكپىندى جەل: سينوپتيكتەر 15 وڭىردە ەسكەرتۋ جاريالادى

نۇر- سۇلتان. قازاقپارات – 20-تامىزدا اۋا رايىنىڭ بۇزىلۋىنا بايلانىستى بىرنەشە وڭىردە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

اتاپ ايتقاندا، اباي وبلىسىنىڭ بەسقاراعاي اۋدانىندا توتەنشە ءورت قاۋپى ساقتالادى.

اتىراۋ وبلىسىنىڭ باتىسىندا، وڭتۇستىگىندە وڭتۇستىك- شىعىس، شىعىستان جەل سوعادى، ەكپىنى 17-22 م/س ارتادى.

شىعىس قازاقستان وبلىسىنىڭ تاۋلى ايماقتارىندا جاۋىن- شاشىن (جاڭبىر، قار ارالاس جاڭبىر) كۇتىلەدى. تۇندە وبلىستىڭ سولتۇستىك- شىعىسىندا، شىعىسىندا 2 گرادۋس ۇسىك جۇرەدى.

كۇندىز الماتى وبلىسىنىڭ تاۋلى اۋداندارىندا بۇرشاق بولجانادى. سولتۇستىك- باتىس، سولتۇستىك- شىعىس جەلى، كۇندىز وبلىستىڭ سولتۇستىگىندە، وڭتۇستىگىندە جانە تاۋلى اۋداندارىندا 23 م/س دەيىن كۇشەيەدى.

كۇندىز ماڭعىستاۋ وبلىسىنىڭ باتىسىندا، وڭتۇستىگىندە، شىعىسىندا، شاڭدى داۋىل تۇرادى. جەل وڭتۇستىك- شىعىستان سوعادى، ءوڭىردىڭ باتىسىندا، وڭتۇستىگىندە، شىعىسىندا ەكپىنى 15-20 م/س ارتادى. كۇندىز وبلىستىڭ باسىم بولىگىندە 40 گرادۋس قاتتى ىستىق بولادى. وبلىستىڭ وڭتۇستىگىندە توتەنشە ءورت قاۋپى ساقتالادى.

تۇندە جەتىسۋ وبلىسىنداعى الاكول اۋماعىندا سولتۇستىك- شىعىستان جەل سوعادى، جىلدامدىعى 30 م/س جانە ودان جوعارى بولادى. وبلىستىڭ شىعىسىندا سولتۇستىك- شىعىستان جەل سوعادى، كۇشى 28 م/س ارتادى.

باتىس قازاقستان وبلىسىندا جەل شىعىستان، وڭتۇستىك- شىعىستان سوعادى، كۇندىز ءوڭىردىڭ باتىسىندا، وڭتۇستىگىندە ەكپىنى 15-20 م/س قۇرايدى.

تۇركىستان وبلىسىنىڭ سولتۇستىگىندە، باتىسىندا، تاۋلى جانە تاۋ بوكتەرلى اۋداندارىندا سولتۇستىك- شىعىستان جەل سوعادى، كۇشى 23 م/س دەيىن ارتادى. وبلىستىڭ وڭتۇستىگىندە، شىعىسىندا توتەنشە ءورت ءقاۋپى ساقتالادى.

شىمكەنت قالاسىندا سولتۇستىك- شىعىستان جەل سوعادى، ەكپىنى 15-20 م/س كۇشەيەدى.

قىزىلوردا وبلىسىنىڭ ورتالىعىندا شاڭدى داۋىل كۇتىلەدى. جەل سولتۇستىكتەن، سولتۇستىك- شىعىستان سوعادى، وبلىستىڭ ورتالىعىندا كۇندىز جىلدامدىعى 23 م/س ارتادى. وبلىستىڭ باسىم بولىگىندە توتەنشە ءورت قاۋپى ساقتالادى.

اقتوبە وبلىسىنىڭ شىعىسىندا، وڭتۇستىگىندە سولتۇستىك- شىعىستان، سولتۇستىكتەن جەل سوعادى، ەكپىنى 15 م/س قۇرايدى. تۇندە وبلىستىڭ سولتۇستىگىندە توپىراق بەتىندە 2 گرادۋس ۇسىك كۇتىلەدى.

تۇندە جانە تاڭەرتەڭ سولتۇستىك قازاقستان وبلىسىنىڭ باتىسىندا، سولتۇستىگىندە تۇمان بولجانادى.

تۇندە پاۆلودار وبلىسىنىڭ سولتۇستىگىندە، باتىسىندا تۇمان بولىپ، ءوڭىردىڭ وڭتۇستىگىندە توپىراق بەتىندە 1 گرادۋس ۇسىك جۇرەدى.

تاڭەرتەڭ جانە كۇندىز قوستاناي وبلىسىنىڭ سولتۇستىگىندە، شىعىسىندا نايزاعاي ويناپ، تۇندە جانە تاڭەرتەڭ وبلىستىڭ سولتۇستىگىندە، باتىسىندا تۇمان كۇتىلەدى. سولتۇستىك- باتىستان، سولتۇستىكتەن جەل سوعادى، كۇندىز ءوڭىردىڭ سولتۇستىگىندە، شىعىسىندا ەكپىنى 15-20 م/س كۇشەيەدى.

20-21-تامىزدا تۇندە قاراعاندى وبلىسىنىڭ سولتۇستىك بولىگىندە 2 گرادۋس ۇسىك ساقتالادى.

جاڭالىقتار