س ق و كاسىپكەرى 15 ميلليون تەڭگەسىن تەلەفون الاياعىنا بەرىپ قويدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وڭىردەگى اۋىلشارۋاشىلىق كاسىپورىندارى ءبىرىنىڭ باسشىسى پوليتسياعا ينتەرنەت- الاياقتاردان زارداپ شەككەندىگى تۋرالى ارىزبەن جۇگىندى. وعان تامىز ايىنىڭ باسىندا بەلگىسىز بىرەۋ قوڭىراۋ شالىپ، ءوزىن بانكتىڭ قاۋىپسىزدىك قىزمەتكەرى رەتىندە تانىستىرعان. ونىڭ اتىنا بىرەۋلەردىڭ ءىرى كولەمدە نەسيە رەسىمدەۋگە ارەكەت جاساپ جاتقانى تۋرالى جانە بۇعان جول بەرمەۋ ءۇشىن بارلىق قاراجاتتى «قاۋىپسىز شوتقا» اۋدارۋ قاجەتتىگى تۋرالى ايتقان.
الاياقتارعا سەنگەن جابىرلەنۋشى ءوز دەپوزيتىنەن 15 ميلليون تەڭگەنى الىپ، ولاردىڭ كورسەتكەن شوتىنا اۋدارعان. الاياقتارعا جەم بولعانىن كەش تۇسىنگەن. ايتۋىنشا، تەلەفونمەن سويلەسكەن ادام ءوزىن سەنىمدى ۇستاعان، كاسىبي تەرميندەردى قولدانا وتىرا ساۋاتتى سويلەگەن.
«اتالعان فاكتى ق ر قىلمىستىق كودەكسىنىڭ 190-بابى 4-بولىگى «الاياقتىق» بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىنە ەنگىزىلدى. ينتەرنەت- الاياقتىقتى اشۋ كەزىندە كوپتەگەن قيىندىقتار كەزدەسەدى. كوپ جاعدايدا جەلىدەگى الاياقتار باسقا مەملەكەتتەردە، باسقا وڭىرلەردە تۇرادى. باستى كەڭەس: «بانكتەن قوڭىراۋ شالعاندارعا» سەنبەۋ، ولارمەن سويلەسۋدى توقتاتۋ قاجەت. ەگەر دە ءوز قاراجاتىڭىزعا قاتىستى كۇمانىڭىز بولسا، بانك بولىمشەسىنە بارىڭىز. وتىرىكتىڭ بەتىن اشۋ ءۇشىن قىلمىسكەرلەر اتاعان ۇيىمعا رەسمي نومىرلەرى بويىنشا حابارلاسىڭىز. ءوزىڭىزدىڭ قۇپيا جانە قارجى مالىمەتتەرىڭىزدى، پارولدى، sms بويىنشا كەلگەن cvv- جانە پين- كودتى ەشكىمگە ايتپاڭىز» ، - دەيدى سقو پد باستىعىنىڭ ورىنباسارى رۋسلان نازاروۆ.
س ق و- دا 7 اي ىشىندە «بانكتەن قوڭىراۋ شالۋ» ارقىلى 129 ينتەرنەت- الاياقتىق تىركەلدى. پوليتسەيلەر بۇل الاياقتار قولداناتىن اسا قاۋىپتى ءتاسىل ەكەنىن اتاپ ءوتتى، سالدارىنان جابىرلەنۋشىلەر 100 مىڭنان ميلليونداعان تەڭگەگە دەيىن شىعىن شەگەدى ەكەن.