جامبىل وبلىسىندا 15 جاسار جاس ءوسپىرىم وتباسىن قۇردى
«2022-جىلعى 5- شىلدە كۇنى ب. ادامبايەۆ اتىنداعى ورتا مەكتەپتىڭ 9- سىنىپ وقۋشىلارى ا. شامبىلبەك پەن ر. جۇماعۇل اتا-انالارىنىڭ كەلىسىمىنە سايكەس وتباسىن قۇرعان.
ا. شامبىلبەك، ر. جۇماعۇل بيىل 16- ماۋسىمدا نەگىزگى مەكتەپتى بىتىرگەندىگى تۋرالى اتتەساتاتتارىن الىپ، مەكتەپ ەسەبىنەن شىعارىلعان. اتا-انالارىنىڭ ءوتىنىشى بويىنشا ساۋداكەنت اۋىلىنداعى 11№ كوپسالالى كوللەدجىنە وقۋعا تۇسۋگە قۇجاتتارىن تاپسىرعان»، - دەلىنگەن رەسمي اقپاراتتا.
بولعان جايتقا بايلانىستى كەشە سارىسۋ اۋدانى ءبىلىم ءبولىمىنىڭ بۇيرىعىمەن ارنايى كوميسسيا قۇرىلدى.
«7- شىلدە كۇنى ب. ادامبايەۆ ورتا مەكتەبىنىڭ پەداگوگ-پسيحولوگ مامانى، ديرەكتوردىڭ تاربيە ءىسى، قۇقىق جونىندەگى ورىنباسارى قوس وقۋشىنىڭ سىنىپ جەتەكشىسىنىڭ قۇجاتتارىنا زەردەلەۋ جۇرگىزدى. ناتيجەسىندە ماتەريال كامەلەتكە تولماعانداردىڭ ىستەرى جانە ولاردىڭ قۇقىقتارىن قورعاۋ جونىندەگى اۋداندىق كوميسسيا قاراۋىنا ۇسىنىلدى»، - دەيدى ۆەدومستۆودان.
سونداي-اق، ءبىلىم ءبولىمى اتالعان مەكتەپتە بالانىڭ قۇقىقتارىن قورعاۋدى كۇشەيتۋ، تۇرمىستىق زورلىق-زومبىلىققا قارسى ءىس-قيمىل جانە جاس وسپىرىمدەر اراسىنداعى سۋيتسيدتىڭ كوبەيۋ ماسەلەلەرىن شەشۋ جونىندەگى 2020-2023-جىلدارعا ارنالعان جول كارتاسىنىڭ بارىن ايتىپ وتىر.
«اتالعان وقۋشىلار مەكتەپىشىلىك ەسەپتە جوق. مەكتەپتە وقىپ جۇرگەندە ولاردىڭ بويىنان تەرىس ءىس-ارەكەتتەر بايقالماعان. اقپاتەس شامبىلبەك ناۋرىز ايىندا ب. ادامبايەۆ اتىنداعى ورتا مەكتەبىنە الماتى قالاسىنان وتباسى جاعدايىنا بايلانىستى اۋىسىپ كەلگەن. مەكتەپتىڭ پەداگوگ-پسيحولوگتارى تاراپىنان ا. شامبىلبەككە مەكتەپكە اۋىسىپ كەلۋىنە بايلانىستى ورتاعا بەيىمدەلۋىن انىقتاۋ جانە باقىلاۋ ماقساتىندا جەكە جۇمىستار جۇرگىزىلگەن»، - دەپ ءتۇسىندىردى.
ودان بولەك، كامەلەت جاسىنا تولماعانداردىڭ ۇيلەنۋى ماسەلەسى سارىسۋ اۋدان اكىمى جانىنداعى كوميسسيادا قارالعان. قازىرگى ۋاقىتتا كوميسسيا وتىرىسىنىڭ شەشىمى كۇتىلۋدە.
ايتا كەتسەك، جامبىل وبلىسى ءبىلىم باسقارماسىنىڭ باسپا ءسوز قىزمەتىنىڭ مالىمەتىنشە قوس جاس ءوسپىرىم قازىر 15 جاستا.