ءالپى تاۋلارىندا مۇزدىقتار وپىرىلىپ، 15 ادام ءىز- ءتۇزسىز كەتتى
4 شىلدە 10:03

ءالپى تاۋلارىندا مۇزدىقتار وپىرىلىپ، 15 ادام ءىز- ءتۇزسىز كەتتى

نۇر- سۇلتان. قازاقپارات - دولوميت الپىلەرىندە مۇزدىقتاردىڭ ەرۋىنەن قازا تاپقاندار سانى التى ادامعا جەتتى، دەپ حابارلايدى قازاقپارات Euronews اقپارات اگەنتتىگىنە سىلتەمە جاساپ.

9 ادام زارداپ شەكتى. جوعالعان 15 ادامدى ىزدەۋ جۇمىستارى جالعاسىپ جاتىر. 3500 مەتر بيىكتىكتە قۇتقارۋ جۇمىسى ءجۇرىپ جاتىر. قايعىلى وقيعا ترەنتو پروۆينتسياسىندا، اپەننين تۇبەگىنىڭ ەڭ ۇلكەن مۇزدىعى مارمولادادا بولعان. ەكى توپ الپينيست تاۋ باسىنا كوتەرىلىپ جاتقان كەزدە مۇز، قار جانە تاستىڭ الىپ بولىگى 300 ك م/ساع جىلدامدىقپەن وپىرىلىپ قۇلاعان.

يتاليالىق باق حابارلاۋىنشا، ولاردىڭ اراسىندا شەتەلدىكتەر دە بولۋى مۇمكىن. پرەمەر- مينيستر ماريو دراگي قازا تاپقانداردىڭ وتباسىلارىنا كوڭىل ايتتى. مۇز ماسساسىنىڭ وپىرىلۋى مۇزدىقتىڭ جوعارعى جاعىندا سەلسي بويىنشا 10+ گرادۋس تەمپەراتۋرا رەكوردى تىركەلگەننەن كەيىن كەلەسى كۇنى ورىن الدى. قۇتقارۋشىلار جاڭا قۇلاۋ قاۋپى بار ەكەنىن ەسكەرتىپ وتىر.

ەكولوگتاردىڭ ايتۋىنشا، سوڭعى جيىرما جىلدا مۇزدىقتىڭ اۋدانى ۇشتەن بىرگە قىسقارعان.

فوتو: english.news.cn

اۆتور: زارينا تۋعانبايەۆا


جاڭالىقتار