الماتىدا جوعالعان 15 جاستاعى جاس ءوسپىرىم ءولى تابىلدى
24 ماۋسىم 15:40

الماتىدا جوعالعان 15 جاستاعى جاس ءوسپىرىم ءولى تابىلدى

الماتى. قازاقپارات - الماتىدا جوعالىپ كەتكەن 15 جاستاعى جاس ءوسپىرىمنىڭ دەنەسى تابىلدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، مەدەۋ اۋداندىق پوليتسيا باسقارماسىنا 2007-جىلى تۋعان بالانىڭ جوعالعانى تۋرالى اقپارات 23- ماۋسىم كۇنى تۇسكەن.

«تەرگەۋ توبى بۇگىن قالاداعى باۋ-باقشا قوعامىنىڭ بىرىنەن دەنەسىندە زورلىق-زومبىلىق بەلگىلەرى بار بالانىڭ ءولى دەنەسىن تاپتى»، - دەپ حابارلادى پوليتسيادان.

پوليتسەيلەر 16 جاستاعى جاس ءوسپىرىمدى ۇستادى.

كۇدىكتى اراداعى جانجالدان كەيىن دوسىن ولتىرگەنىن مويىندادى.

«سوتقا دەيىنگى تەرگەۋ جالعاسىپ جاتىر. قاجەتتى سوت-مەديتسينالىق ساراپتاما تاعايىندالدى»، - دەپ اتاپ ءوتتى ۆەدومستۆونىڭ باسپا ءسوز قىزمەتىنەن.

جاڭالىقتار