ۆاكسينا پاسپورتىن 15 مىڭ تەڭگەگە ساتقان مەديتسينا ماماندارى ۇستالدى
بۇل تۋرالى باسپا ءسوز وكىلى ىشكى ىستەر مينيسترلىگىنىڭ باسپا ءسوز وكىلى شۇعىلا تۇرلىبەك ۆەدومستۆونىڭ اقپارات الاڭىندا وتكەن ونلاين بريفينگىدە ايتتى.
«شىعىس قازاقستان وبلىسىنىڭ پوليتسەيلەرى ۆاتسينالاۋ پاسپورتىن قولدان جاساپ، ساتۋ ارەكەتىنىڭ جولى كەستى. سەمەي قالاسىندا جەدەل ىزدەستىرۋ شاراسىن جۇرگىزۋ كەزىندە ەكى مەديتسينالىق قىزمەتكەردىڭ جالعان قۇجات ساتىپ اقشا تاپپاق بولعانى انىقتالدى. ول ءۇشىن قالاداعى مەديتسينالىق- الەۋمەتتىك مەكەمەلەردىڭ بىرىندە جۇمىس ىستەيتىن ءبىر قىزمەتكەر ءوزىنىڭ ەسەپشوتىنا جەكەلەگەن ازاماتتاردان 15 مىڭ تەڭگە كولەمىندە اقشا قابىلداپ وتىرعان. ول اقشانىڭ 10 مىڭ تەڭگەسى مەن قۇجاتقا تاپسىرىس بەرگەن ازاماتتىڭ جەكە كۋالىگىنىڭ كوشىرمەسىن جەدەل مەديتسيتسنالىق جاردەم ورتالىعىنداعى تانىستارىنا بەرىپ وتىرعان. ولار الگى ازاماتتاردىڭ جەكە مالىمەتتەرىن ۆاكسينا العان ادام رەتىندە دەرەكتەر بازاسىنا ەنگىزگەن»، - دەدى ءى ءى م وكىلى. قازىر اتالعان وقيعا بويىنشا قىلمىستىق ءىس قوزعالىپ، جالعان پاسپورت جاساتقانداردىڭ ناقتى سانىن انىقتاۋ جۇمىستارى ءجۇرىپ جاتقان كورىنەدى.
«قىلمىستىق ءىس اياسىندا زاڭنان اتتاعان ازاماتتار انىقتالىپ، تەرگەلىپ جاتىر. ۇستالعان مامانداردىڭ ايتۋىنشا، ولار 30 دان استام قالا تۇرعىنىنا جالعان ۆاكسينا قۇجاتىن ساتقان. ءبىراق تەرگەۋشى مامانداردىڭ پىكىرىنشە، بۇل سان الدەقايدا كوپ بولۋى مۇمكىن. تەرگەۋ قورىتىندىسى بويىنشا زاڭسىز جولمەن بازاعا ەنگىزىلگەن جالعان مالىمەتتەردىڭ ءبارى جويىلادى. شقو پوليتسيا دەپارتامەنتىنىڭ باسشىسى ساعات ماديەۆ ايتقانداي، مەديتسينالىق قىزمەتكەرلەردىڭ بۇل ارەكەتى قىلمىستىق كودەكستىڭ 385-بابى بويىنشا قارالىپ جاتىر. بۇل باپ 4 جىلعا دەيىن باس بوستاندىعىنا ايىرۋ جازاسىن كوزدەيدى»، - دەدى شۇعىل تۇرلىبەك.