قازاقستاندا 15 مىڭنان استام شەتەل ازاماتى ەڭبەك ەتىپ ءجۇر
2021 -جىلعى 1-ماۋسىمداعى جاعداي بويىنشا 15668 شەتەلدىك ازامات جەرگىلىكتى اتقارۋشى ورگانداردىڭ رۇقساتى بويىنشا قازاقستان اۋماعىندا ەڭبەك قىزمەتىن جۇزەگە اسىرۋدا.
شەتەلدىك جۇمىس كۇشىن تارتۋعا بەرىلگەن رۇقساتتىڭ ىشىندە مىناداي ساناتتار بار:
ءبىرىنشى سانات - 667 (باسشىلار جانە ولاردىڭ ورىنباسارلارى) ەكىنشى سانات - 3260 (قۇرىلىمدىق بولىمشەلەردىڭ باسشىلارى).
تارتىلعان جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى - تيىسىنشە 7592 ادام جانە 517 ادام.
سونداي-اق ماۋسىمدىق جۇمىستارعا - 1825 ادام، ال كورپوراتيۆتىك اۋىستىرۋ شەڭبەرىندە - 1807 ادام تارتىلعان. قازىرگى ۋاقىتتا قازاقستاندا شەتەلدىك جۇمىس كۇشىن پايدالاناتىن 1782 جۇمىس بەرۋشى بار. وندا شامامەن 483 مىڭ قازاقستان ازاماتى جۇمىس ىستەيدى، بۇل - جالپى جۇمىسشىلار سانىنىڭ 97 پايىزى.
ەڭبەكشى ميگرانتتار شىعاتىن نەگىزگى ەلدەر: قىتاي - 3689 ادام، وزبەكستان - 1887 ادام، تۇركيا - 1679 ادام، ءۇندىستان - 1090 ادام، ۇلى بريتانيا - 959 ادام.
ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا ق ر ەڭبەك جانە حالىقتى الەۋمەتتىك قورعاۋ مينيسترلىگى جىل سايىن ەلىمىزگە شەتەلدىك مامانداردى تارتۋعا ارنالعان كۆوتا بەلگىلەيدى. 2021 -جىلى كۆوتا مولشەرى - جۇمىس كۇشىنە شاققاندا %0,31 نەمەسە 29,3 مىڭ.