+7 (701) 759 90 19
28 °С : نۇر-سۇلتان
21 °С : الماتى
USD 427.15 EUR 519.12
RUB 5.96 CNY 66.84
جاڭالىقتار

قازاقستان پاندەميا كەزىندە قولداۋ شارالارىنا 15 ميلليارد دوللاردان استام قارجى بولگەن

11 ماۋسىم 17:54
:ءبولىسۋ
قازاقستان پاندەميا كەزىندە قولداۋ شارالارىنا 15 ميلليارد دوللاردان استام قارجى بولگەن

نۇر-سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ 109-حالىقارالىق ەڭبەك كونفەرەنسياسىنىڭ پلەنارلىق وتىرىسىندا بەينەۇندەۋ جاسادى، دەپ حابارلايدى قازاقپارات.

«قازاقستان حالىقارالىق ەڭبەك ۇيىمىنىڭ (بۇدان ءارى - حەۇ) عاسىر دەكلاراتسياسىنىڭ ەڭبەك سالاسىنىڭ بولاشاعى تۋرالى بەيىلدىلىگىن راستايدى جانە باس ديرەكتوردىڭ «Covid كەزىندەگى ەڭبەك» اتتى بايانداماسىن قۇپتايدى.

ول جۇمىس ورىندارىن، حالىقتىڭ تابىسىن ساقتاۋ جانە ەكونوميكالىق ءوسۋدى جانداندىرۋ ءۇشىن ءتيىستى جاھاندىق دەن قويۋ شارالارىن قابىلداۋ ماقساتىندا ۋاقتىلى، وزەكتى ءارى قاجەت بولىپ تابىلادى.

پاندەميا كەزەڭىندە قازاقستان ۇكىمەتى جۇمىسپەن قامتۋعا جاردەمدەسۋگە، كاسىپكەرلىكتى جانداندىرۋعا، سيفرلاندىرۋعا جانە اگروونەركاسىپتىك كەشەندى دامىتۋعا باعىتتالعان داعدارىسقا قارسى شارالاردى قابىلدادى.

2020-جىلى اتالعان شارالارعا 15 ميلليارد ا ق ش دوللارىنان استام قاراجات ءبولىندى. پاندەميا كەزەڭىندە 1 ميلليارد ا ق ش دوللارىنان استام سوماعا 4 ميلليون 600 مىڭ ازامات تابىسىنان ايىرىلۋ بويىنشا الەۋمەتتىك تولەمدەر الدى، سونداي-اق ءبىرجولعى الەۋمەتتىك تولەمدەر اۋرۋ جۇقتىرعان مەديتسينا قىزمەتكەرلەرىنە جانە قايتىس بولعان مەديتسينا قىزمەتكەرلەرىنىڭ وتباسىلارىنا جالپى سوماسى 50 ميلليون ا ق ش دوللارىنا جۇرگىزىلدى.

حالىقتىڭ الەۋمەتتىك وسال توپتارىنان 1 ميلليوننان استام ازامات 60 ميلليون ا ق ش دوللارى سوماسىنا ازىق-تۇلىك-تۇرمىستىق جيىنتىقتار الدى.

ەلەكتروندىق ۇكىمەت پورتالى ارقىلى اتاۋلى الەۋمەتتىك كومەككە ءوتىنىش بەرۋ تەتىگى ىسكە اسىرىلدى. 936 مىڭ ادامعا اتاۋلى الەۋمەتتىك كومەك كورسەتىلدى، 218 مىڭ بالاعا جالپى سوماسى 214 ميلليون ا ق ش دوللارىنا كەپىلدىك بەرىلگەن الەۋمەتتىك توپتاما ۇسىنىلدى.

وتكەن جىلى «جۇمىسپەن قامتۋدىڭ جول كارتاسى» داعدارىسقا قارسى باعدارلاماسى ىسكە قوسىلدى، ونىڭ اياسىندا 239 مىڭ جۇمىس ورنى قۇرىلدى. ونى جۇزەگە اسىرۋعا 2 ميلليارد 400 ميلليون ا ق ش دوللارى ءبولىندى. قابىلدانعان شارالاردىڭ ناتيجەسىندە جۇمىسسىزدىق دەڭگەيى %4,9 قۇرادى، ونىڭ ىشىندە ايەلدەر اراسىندا - %5,3، جاستار اراسىندا - %3,8.

جۇمىسپەن قامتۋ شارالارىمەن بيىل 1 ميلليون 200 مىڭ ادام قامتىلاتىن بولادى. اعىمداعى جىلدان باستاپ جۇمىسپەن قامتۋدىڭ مەملەكەتتىك باعدارلاماسىن ۇلتتىق جوباعا قايتا فورماتتاۋ جوسپارلانۋدا، وعان بەس باعىت - كاسىبي جانە اۋماقتىق ۇتقىرلىق، ءونىمدى جۇمىس ورىندارى، اۋىلداعى بيزنەس جانە جۇمىسپەن قامتۋدى تسيفرلاندىرۋ كىرەدى. قازاقستاندا مۇگەدەكتىگى بار ادامداردىڭ قۇقىقتارىن، ونىڭ ىشىندە لايىقتى ەڭبەك ەتۋ قۇقىعىن قامتاماسىز ەتۋ جونىندەگى 2025 -جىلعا دەيىنگى ۇلتتىق جوسپار ىسكە اسىرىلۋدا.

وتكەن جىلى «مۇگەدەكتىگى بار ادامدارعا ۇسىنىلاتىن كاسىپتەر مەن ساباقتاردىڭ اتلاسى» ازىرلەندى جانە مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوز بەتىنشە تاڭداۋعا مۇمكىندىك بەرەتىن الەۋمەتتىك قىزمەتتەر پورتالى ەنگىزىلدى.

2020-جىلعى مامىردا ەڭبەك زاڭناماسىنا قىزمەتكەرلەردىڭ ەڭبەك قۇقىقتارىن قورعاۋدى قامتاماسىز ەتۋ ءۇشىن كاسىپوداقتاردىڭ ءرولىن ارتتىرۋعا قاتىستى وزگەرىستەر ەنگىزىلدى. بيىل ۇكىمەت، كاسىپوداقتار مەن جۇمىس بەرۋشىلەردىڭ رەسپۋبليكالىق بىرلەستىكتەرى اراسىنداعى 2021-2023-جىلدارعا ارنالعان جاڭا باس كەلىسىمدە تاراپتاردىڭ ءبىر-ءبىرىنىڭ قىزمەتىنە زاڭسىز ارالاسۋعا جول بەرمەۋ جونىندەگى مىندەتتەمە بەكىتىلگەن.

ايەلدەردىڭ ەڭبەگى شەكتەلەتىن جۇمىستار ءتىزىمىن جويۋ جانە قاشىقتىقتان جۇمىس ىستەۋدى قۇقىقتىق رەتتەۋدى جەتىلدىرۋ ماسەلەلەرى پىسىقتالۋدا.

قازىرگى ۋاقىتتا «تولىق ەمەس جۇمىس ۋاقىتى جاعدايىنداعى جۇمىس تۋرالى» ح ە ۇ 175№ كونۆەنتسياسىنا قوسىلۋ بويىنشا جۇمىس جۇرگىزىلۋدە. سوڭىندا قازاقستان ۇكىمەتى ح ە ۇ ستاندارتتارىنا سايكەس الەۋمەتتىك-ەڭبەك ساياساتىن جەتىلدىرۋ، الەۋمەتتىك ادىلەتتىلىك پەن لايىقتى ەڭبەكتى قامتاماسىز ەتۋ جونىندەگى جۇمىستى جالعاستىراتىنىن اتاپ وتكىم كەلەدى»، - دەدى سەرىك شاپكەنوۆ بەينە حابارلامادا.

ەستەرىڭىزگە سالا كەتەيىك، حالىقارالىق ەڭبەك كونفەرەنسياسى ح ە ۇ- نىڭ شەشىم قابىلداۋدىڭ جوعارى ورگانى بولىپ تابىلادى. ول جىل سايىن ح ە ۇ- عا مۇشە 187 مەملەكەتتەن ءۇشجاقتى دەلەگاتسيالاردىڭ باسىن قوسۋ جولىمەن وتكىزىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات