شىعىس قازاقستاندا 15 پ ت ر- زەرتحانا جۇمىس ىستەپ تۇر
وڭىردەگى پ ت ر- زەرتحانالار كۇن سايىن تۇرعىنداردان سىنامالار الىپ، زەرتتەۋلەر جۇرگىزۋدە.
سوندىقتان بۇل زەرتحانالاردىڭ جۇمىسىن تولىقتاي قامتاماسىز ەتۋ جانە زەرتتەۋ ناتيجەلەرىنىڭ ساپالى جۇرگىزىلۋى باستى نازارعا قويىلعان.
ش ق و وڭىرلىك كوممۋنيكاتسيالار قىزمەتىندە وتكەن ونلاين كونفەرەنتسيا بارىسىندا وبلىستىق سانيتارلىق-ەپيدەميولوگيالىق باقىلاۋ دەپارتامەنتىنىڭ وكىلى تالعات تۇڭعىشبايەۆ بۇگىندە ايماق بويىنشا جۇمىس ىستەپ تۇرعان جەكە جانە بيۋجەتتىك زەرتحانالاردى اتاپ ءوتتى.
«شىعىس قازاقستاندا 7 جەكە زەرتحانا زەرتتەۋلەر جۇرگىزەدى، ولار: «inVitro+» ك د ە، «وليمپ ك د ز» ج ش س، «iN VIVO» ج ش س، «Al atau Clinic» ج ش س، «Aqualab» زەرتحاناسى، «وبلىستىق رەپرودۋكتيۆتى مەديتسينا ورتالىعى» ج ش س جانە اقتوعاي كەنتىندەگى مودۋلدىك زەرتحانا.
بۇل رەتتە، «iN VIVO» ج ش س، «Alatau Clinic» ج ش س جانە «Aqualab» زەرتحاناسىندا بيولوگيالىق ماتەريال الۋ پۋنكتتەرى عانا جۇمىس ىستەيدى، ال زەرتتەۋلەردىڭ ءوزى نۇر-سۇلتان جانە الماتى قالالارىندا جۇرگىزىلەدى»، - دەدى ول.
تالعات تۇڭعىشبايەۆتىڭ ايتۋىنشا، وبلىستىق جانە اۋداندىق اۋرۋحانالار بازاسىندا زەرتتەۋلەر جۇرگىزەتىن 8 مەملەكەتتىك زەرتحانا بار.
اتاپ ايتساق، شىعىس قازاقستان وبلىستىق اۋرۋحاناسى، انا مەن بالا ورتالىعى، وسكەمەندەگى ۇلتتىق ساراپتاما ورتالىعى جانە ونىڭ سەمەي قالالىق بولىمشەسى، وسكەمەندەگى 4№ قالالىق اۋرۋحانا، سونداي-اق سەمەيدەگى جەدەل مەديتسينالىق جاردەم اۋرۋحاناسى.