ەلوردادا پوليتسەيلەردەن قاشقان كاماز جۇرگىزۋشىسى 15 تاۋلىككە قامالدى

نۇر- سۇلتان. قازاقپارات - پوليتسەيلەردەن قاشقان «كاماز» اۆتوكولىگىنىڭ جۇرگىزۋشىسىن قىلمىستىق جاۋاپكەرشىلىككە تارتتى، دەپ حابارلايدى قازاقپارات نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ق ر ق ك 378-بابى، 1-تارماعى بويىنشا قىلمىستىق ءىس قوزعالدى. سونداي- اق جۇرگىزۋشى اكىمشىلىك كودەكستىڭ ءبىرقاتار بابى بويىنشا جاۋاپقا تارتىلدى. جالپى ازاماتقا التى باپ بويىنشا اكىمشىلىك ءىس قوزعالدى. اكىمشىلىك سوتتىڭ شەشىمىمەن ەر ادام 15 تاۋلىككە قاماۋعا الىنىپ، 8 جىل كولىك جۇرگىزۋ قۇقىعىنان ايىرىلدى.

ەسكە سالا كەتسەك، 19 - قاراشادا ايناكول كوشەسىندە پوليتسيا «كاماز» جۇرگىزۋشىسىنىڭ تەلەفونمەن سويلەسىپ بارا جاتقانىن بايقاپ قالعان. پوليتسيا قىزمەتكەرلەرى ونى توقتاتىپ الىپ، جۇرگىزۋشى كۋالىگىن تالاپ ەتكەن. الايدا جۇرگىزۋشى تالاپتى ەلەمەي، كولىگىن جۇرگىزىپ كەتە بەرگەن. دەپارتامەنتتىڭ باسپا ءسوز قىزمەتىنىڭ مالىمەتىنشە، ءتارتىپ ساقشىلارى كولىكپەن «كاماز» جۇرگىزۋشىسىن قالادان شىققانشا قۋالاعان. اقىرى جۇرگىزۋشى ۇستالىپ، اۋداندىق پوليتسيا بولىمىنە جەتكىزىلگەن. جۇرگىزۋشى ەلوردانىڭ 32 جاستاعى تۇرعىنى بولىپ شىقتى.

اۆتور: بالنۇر قوجاگەلدى