15:09, 21 - قازان 2020 | GMT +6
پاكىستاننىڭ كونسۋلدىعىنداعى كەپتەلىسىتەن 15 ادام قازا تاپتى
نۇر-سۇلتان. قازاقپارات - پاكىستاننىڭ جالالاباد قالاسىنداعى (اۋعانستاننىڭ نانگارحار پروۆينتسياسىنىڭ اكىمشىلىك ورتالىعى) كونسۋلدىعى جانىندا ورىن العان ادامدار كەپتەلىسىنىڭ سالدارىنان كەم دەگەندە 15 ادام قازا تاۋىپ، تاعى 10 نان استامى جاراقات الدى.
بۇل تۋرالى قازاقپارات Al Jazeera تەلەارناسىنا سىلتەمە جاساپ حابارلايدى.
تەلەارنا مالىمەتىنشە، 20-قازان كۇنى 3 مىڭعا جۋىق اۋعاندىق ازامات ۆيزا الۋ ءۇشىن كونسۋلدىقتىڭ جانىندا جينالعان. ازىرگە انىقتالماعان سەبەپتەرمەن كەپتەلىس ورناعان. قازا بولعاندار اراسىندا كەم دەگەندە 11 ايەل بار. پاكىستان كونسۋلدىعىنىڭ رەسمي وكىلدەرى ازىرگە بۇل جونىندە ەشقانداي تۇسىنىكتەمە بەرگەن جوق.
اۆتور: زارينا تۋعانبايەۆا