+7 (701) 759 90 19
7 °С : نۇر-سۇلتان
14 °С : الماتى
USD 427.91 EUR 506.9
RUB 5.6 CNY 64.17
جاڭالىقتار

نۇر-سۇلتاندا كۇزەتشى مەن 15 جاسار وقۋشى قىز اۆتوورتالىقتى توناماق بولدى

18 قازان 09:49
:ءبولىسۋ
نۇر-سۇلتاندا كۇزەتشى مەن 15 جاسار وقۋشى قىز اۆتوورتالىقتى توناماق بولدى

نۇر-سۇلتان. قازاقپارات - ءىرى كولەمدە اقشا ۇرلاماق بولعان 22 جاستاعى ەلوردا تۇرعىنى مەن ونىڭ كامەلەتكە تولماعان قۇربىسى ۇستالدى.

بۇل تۋرالى نۇر-سۇلتان قالاسىنىڭ پوليتسيا دەپارتامەنتى ءمالىم ەتتى، دەپ حابارلايدى قازاقپارات ءتىلشىسى.

پوليتسيا قىزمەتكەرلەرى انىقتاعانداي، جاس جىگىت استاناداعى اۆتوورتالىقتاردىڭ ءبىرىنىڭ قاۋىپسىزدىك قىزمەتىندە جۇمىس ىستەگەن. كومپانيا سەيفىندە ءىرى كولەمدە اقشا جاتقانىن بىلگەن ول ۇرلىق جاساماق بولعان. جوسپارىن جۇزەگە اسىرۋ ءۇشىن 11-سىنىپتا وقيتىن 15 جاسار قۇربىسىن پايدالانعان.

«اۆتوورتالىق كەڭسەسىندەگى كەزەكتى اۋىسىمىنا كىرىسىپ، تۇندە قۇربىسىنا حابارلاسىپ، جۇمىسىنا شاقىرادى. تاڭعى 05.00 شاماسىندا ولار بالتامەن كاسسانىڭ پلاستيك ەسىگىن بۇزىپ، بولمەنىڭ ىشىنە كىرگەن. سول بالتامەن تەمىر سەيفتى بۇزباق بولعاندا دابىل جۇيەسى ىسكە قوسىلادى. مۇندايدى كۇتپەگەن جاس جىگىت پەن وقۋشى قىز قىلمىس ورنىنان قاشىپ كەتكەن»، - دەلىنگەن مەكەمە حابارلاماسىندا. پوليتسيا قىزمەتكەرلەرى جۇرگىزگەن جەدەل- ىزدەستىرۋ شاراسى بارىسىندا جۇپ قوياندى اۋىلى ماڭىنداعى اعاش وتىرعىزاتىن ايماقتان ۇستالدى. جۇپتىڭ ايتۋىنشا، ولار ۇرلانعان اقشاعا شەتەلگە قاشىپ كەتپەك بولعان. كۇدىكتى ۋاقىتشا ۇستاۋ يزولياتورىنا قامالدى.

«ۇرلىققا وقتالۋ» بابى بويىنشا قىلمىستىق ءىس قوزعالدى»، - دەپ اتاپ ءوتتى پوليتسيا قىزمەتكەرلەرى. قىلمىستىق ىسكە كامەلەتكە تولماعاندى تارتۋ ءىسى بويىنشا تەرگەۋ ءجۇرىپ جاتىر. وقۋشى اتا-اناسىنا تابىستالدى.


اۆتور: بالنۇر قوجاگەلدى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات