+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

ساتبايەۆ قالاسىندا بۇزاقىلىق جاساعانى ءۇشىن 15 ادام ۇستالدى

30 شىلدە 20:47
:ءبولىسۋ
ساتبايەۆ قالاسىندا بۇزاقىلىق جاساعانى ءۇشىن 15 ادام ۇستالدى

ساتبايەۆ. قازاقپارات - ساتبايەۆ قالاسىندا بۇزاقىلىق جاساعانى ءۇشىن 15 ادام ۇستالدى، - دەپ حابارلايدى Polisia.kz.

24 - شىلدەگە قاراعان ءتۇنى ساتبايەۆ قالاسىندا ءبىر توپ ازامات بۇزاقىلىق جاسادى. تاس- تاياقپەن قارۋلانعان جاستار توبى بەس جاسار قىزدى زورلادى دەگەن كۇدىكپەن ۇستالعان ادامدى ءوز بەتتەرىمەن جازالاۋعا ۇمتىلىپ، پوليتسيا عيماراتىنا كىرۋگە ارەكەتتەنگەن. پوليتسيا قىزمەتكەرلەرى بۇل بۇزاقىلىقتىڭ جولىن كەستى. الايدا باسبۇزارلار جولىنداعىنى قيراتىپ، ايتارلىقتاي ماتەريالدىق زيان كەلتىردى. ولار قاقپانى، اۋلاداعى ادامدار ورىندىقتاردى، قازا تاپقان پوليتسيا قىزمەتكەرلەرىنە ارنالعان ەسكەرتكىشتى، پوليتسيا عيماراتىنىڭ اۋماعىنداعى شامداردى، تەرەزەلەردىڭ اينەكتەرىن سىندىرعان. سونداي- اق، سىرتقى بەينەباقىلاۋ كامەرالارى مەن قىزمەتتىك اۆتوكولىك بۇلىنگەن. كەلتىرىلگەن زالالداردى باعالاۋ جۇرگىزىلۋدە.

قر قىلمىستىق كودەكسىنىڭ ءۇش بابى («بۇزاقىلىق» «بوتەننىڭ مۇلكىن قاساقانا جويۋ نەمەسە ءبۇلدىرۋ» ، «قۇقىق قورعاۋ ورگانى قىزمەتكەرىنىڭ ومىرىنە قول سۇعۋشىلىق» ) بويىنشا سوتقا دەيىنگى تەرگەۋ باستالدى. قازىرگى ۋاقىتتا بۇزاقىلىق ارەكەتتەردى ۇيىمداستىرۋشىلار مەن بەلسەندى قاتىسۋشىلار انىقتالىپ، ۇستالدى. ۋ ۇ ي- عا 15 ادام قامالدى. بارلىق تەرگەۋ ارەكەتتەرى قولدانىستاعى زاڭناما اياسىندا جۇرگىزىلۋدە. ۇستالعاندارعا قاتىستى ازاپتاۋ جانە قۇقىققا قارسى ارەكەتتەر جاساۋ تۋرالى الەۋمەتتىك جەلىلەر مەن مەسسەندجەرلەردە تاراتىلىپ جاتقان حابارلامالار نەگىزسىز. حابارلامالاردىڭ اۆتورلارى مەن جالعان اقپاراتتى تاراتۋشىلارعا قاتىستى قىلمىستىق جاۋاپكەرشىلىك قاراستىرىلعانى ەسكەرتىلەدى. ىشكى ىستەر ورگاندارى ساتبايەۆ قالاسىندا قاۋىپسىزدىكتى قامتاماسىز ەتۋ بويىنشا بارلىق قاجەتتى شارالاردى قابىلداعانىن اتاپ ءوتۋ قاجەت. پوليتسيا قىزمەتكەرلەرى اتىس قارۋىن قولدانباي، ۇستامدىلىق تانىتىپ، قوعامدىق ءتارتىپتى بۇزۋدىڭ جولىن كەستى. تەرگەۋ جالعاسۋدا. ايتا كەتەيىك، مەملەكەت باسشىسى وسى وقيعاعا بايلانىستى ارنايى ءماجىلىس وتكىزىپ، قۇزىرلى ورگاندارعا تۇرعىندار اراسىندا ءتۇسىندىرۋ جۇمىستارىن جۇرگىزىپ، ارانداتۋشىلاردى جاۋاپقا تارتۋدى تاپسىرعان بولاتىن.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات