قازاقپارات كۇنتىزبەسى: 15- شىلدە
بۇكىل الەمدىك جاستار داعدىلارى كۇنى
بىرىككەن ۇلتتار ۇيىمى بەكىتكەن. 2014-جىلى 18- جەلتوقساندا ب ۇ ۇ باس اسسامبلەياسى A/RES/69/145№ قارارىن قابىلدادى. بۇل قۇجات بويىنشا ەلدەردىڭ ۇكىمەتتەرىنە ءومىر ءسۇرۋدىڭ ەكونوميكالىق جاعدايىنا، جاستار اراسىنداعى جۇمىسسىزدىق پروبلەماسىنا نازار اۋدارۋعا ۇسىنىس بەرىلەدى.
ەستە قالار وقيعالار
1992-جىلى قازاقستان رەسپۋبليكاسى مەن رۋمىنيا اراسىندا ديپلوماتيالىق قارىم-قاتىناس ورنادى.
1997-جىلى «قورشاعان ورتانى قورعاۋ تۋرالى» قازاقستان رەسپۋبليكاسىنىڭ زاڭى قابىلداندى.
1999-جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆ الماتى وبلىسىنىڭ تالعار قالاسىن اۋداندىق ماڭىزداعى قالالار ساناتىنا ەنگىزۋ تۋرالى جارلىققا قول قويدى.
1999-جىلى ترەتياكوۆ گالەرەياسىندا (ماسكەۋ) قازاقستاندىق سۋرەتشى، سالۆادور دالي اتىنداعى حالىقارالىق سىيلىقتىڭ يەگەرى ەربولات تولەپبايەۆتىڭ جەكە كورمەسى بولىپ ءوتتى.
2009-جىلى قازاقستاندا حالىقارالىق ەۋرو-2 تەحنيكالىق جانە ەكولوگيالىق ستاندارتى ەنگىزىلدى.
2010-جىلى پاۆلودار اۋدانى گريگوريەۆكا اۋىلىنىڭ مۋزەيى جاڭا ەكسپوناتپەن تولىقتى. بالىقشىلار ەرتىس وزەنىنەن ەجەلدە ءومىر سۇرگەن مامونتتىڭ ءبىر مەتردەن اساتىن ازۋىن تاۋىپ الدى.
قازاقستانداعى ۇزدىك مەكتەپ مۋزەيى دەپ تانىلعان مۋزەيدە قازاق دالاسىن مەكەندەگەن ەجەلگى جانۋارلاردىڭ سۇيەكتەرى بار. وسىدان ەلۋ جىلداي بۇرىن ەرتىس وزەنى وسى اۋىلدىڭ جانىنان اعىپ وتەتىن تۇسىنداعى ارناسىن وزگەرتكەن بولاتىن. سودان بەرى ارحەولوگتار وسى ماڭنان ەجەلگى جانۋارلاردىڭ سۇيەكتەرىن تاۋىپ ءجۇر.
2010-جىلى «قازمۇنايگاز» ۇ ك» ا ق مەن «شەلل كازاحستان ديەۆەلوپمەنت ب. ۆ.» كومپانياسى سولتۇستىك-كاسپي جوباسى اياسىندا اكتسيونەرلەر كەلىسىمىنە قول قويدى. وعان سايكەس، «ق م گ» «شەلل» كومپانياسىمەن تەڭدەي شارتتار نەگىزىندە NC Production Operations Company B. V. (NCPOC) كومپانياسىنا كىردى.
2014-جىلى ارقالىق پەداگوگيكالىق ينستيتۋتىنىڭ پروفەسسورى ءابىلحان ۇمبەتوۆ فيزيكا سالاسىنداعى ونەرتابىستاردى دامىتۋعا قوسقان ۇلەسى ءۇشىن رەسەي تابيعاتتانۋ اكادەمياسىنىڭ نوبەل التىن مەدالىن الدى. مەدال «لازەرلى ولشەۋ قۇرالى» عىلىمي-زەرتتەۋ جۇمىسىنا بەرىلدى.
2018-جىلى فيزيكا- ماتەماتيكا باعىتىنداعى نازاربايەۆ زياتكەرلىك مەكتەبىنىڭ وقۋشىسى نۇرداۋلەت تاۋمەرگەنوۆ «Yakutsk International Science Fair» اتتى وقۋشىلار اراسىندا وتكەن حالىقارالىق عىلىمي- كونفەرەنتسيا بايقاۋىندا گران-پري جەڭىپ الدى. وقۋشى ىممەن جەتكىزىلگەن سوزدەردى GloveSpeaker قولعابى ارقىلى اۋىزەكى سويلەۋ تىلىنە اۋدارۋعا ارنالعان جوبانى تانىستىردى.
ونىڭ ويلاپ تاپقان تۋىندىسى مىلقاۋ ادامدارمەن قيىندىقسىز تۇسىنىسۋگە مۇمكىندىك بەرەدى. سينگاپۋر ۇلتتىق ۋنيۆەرسيتەتىنىڭ پروفەسسورى، حالىقارالىق زياتكەرلىك ويىنداردىڭ باعدارلامالىق كوميتەتى ءتوراعاسى لەون چۋان كۆەك جانە «مايتونا» كومپانياسىنىڭ پرەزيدەنتى الەكساندرا بايشيەۆا جەڭىمپازعا 5 مىڭ ا ق ش دوللارىنىڭ ارنايى سەرتيفيكاتىن تابىس ەتتى.
2018-جىلى كالاتۋرا قالاسىندا (شري- لانكا) 7-17 جاستاعى مەكتەپ وقۋشىلارى اراسىندا شاحماتتان 14- ازيا چەمپيوناتى ءوتتى. وعان الەمنىڭ 16 ەلىنەن 400 دەن استام جاس دارىن يەلەرى قاتىستى.
وندا توعىز جاسار اتىراۋلىق زارينا نۇرعاليەۆا راپيد جانە بليتس بويىنشا التىن مەدال يەلەندى.
2019-جىلى قازاقستاندىق ءانشى ءادىلحان ماكين ۆيتەبسكتە وتكەن «سلاۆيان بازارى-2019» ەسترادا اندەرىن ورىنداۋشىلاردىڭ XXVIII حالىقارالىق بايقاۋىندا گران- پريگە يە بولدى. قازاق ءانشىسى ەكى كۇننىڭ قورىتىندىسى بويىنشا 178 بال جينادى.