قازگيدرومەت: 15-شىلدە كۇنگى اۋا رايى بولجامى

None
None
نۇر-سۇلتان. قازاقپارات - رەسپۋبليكانىڭ باسىم بولىگى ءالى دە انتيتسيكلونىڭ ىقپالىندا بولعاندىقتان، 15 - شىلدە كۇنى جاۋىن-شاشىنسىز، ىستىق اۋا رايى ساقتالادى.

ەلدىڭ تەك باتىسى مەن شىعىسىندا نايزاعاي ويناپ، جاڭبىر جاۋادى، باتىستا بۇرشاق كۇتىلەدى.

كەي جەرلەردە ەكپىندى جەل سوعادى، وڭتۇستىكتە جانە باتىستا شاڭدى داۋىل تۇرادى، دەپ حابارلايدى قازاقپارات.

«قازگيدرومەت» ر م ك مالىمەتىنشە، قىزىلوردا وبلىسىنىڭ تۇندە كەي جەرلەرىندە، كۇندىز باسىم بولىگىندە جەل 15-23 م/س كۇشەيەدى، شاڭدى داۋىل تۇرادى.

باتىس قازاقستان وبلىسىنىڭ كەي جەرلەرىندە جەل 15-20 م/س ارتادى، داۋىل، بۇرشاق بولجانادى.

جامبىل، تۇركىستان، ماڭعىستاۋ وبلىستارىنىڭ كەي جەرلەرىندە شاڭدى داۋىل تۇرىپ، جەلدىڭ كۇشى 15-20 م/س كۇشەيەدى.

قاراعاندى وبلىسىنىڭ كەي جەرلەرىندە جەل 15-23 م/س ارتادى.

كۇندىز اتىراۋ، اقتوبە وبلىستارىندا 18 م/س ەكپىندە جەل كۇتىلەدى. كۇندىز تۇركىستان، قىزىلوردا، ماڭعىستاۋ، اقمولا، قوستاناي، سولتۇستىك قازاقستان وبلىستارىندا، قاراعاندى وبلىسىنىڭ وڭتۇستىگىندە قاتتى ىستىق كۇتىلەدى.

اتىراۋ، باتىس قازاقستان، اقتوبە وبلىستارىندا قاتتى، كەي جەرلەردە وتە قاتتى ىستىق بولادى. سونداي-اق اتىراۋ وبلىسىندا، باتىس قازاقستان، قىزىلوردا، قاراعاندى، جامبىل، الماتى وبلىستارىنىڭ كەي جەرلەرىندە، اقتوبە وبلىسىنىڭ وڭتۇستىگىندە، تۇركىستان وبلىسىنىڭ وڭتۇستىك-شىعىسىندا جوعارى ءورت قاۋپى ساقتالادى.

ايتا كەتەيىك، سينوپتيكتەر 4 وڭىردە ەسكەرتۋ جاريالادى.

سوڭعى جاڭالىقتار