+7 (701) 759 90 19
16 °С : نۇر-سۇلتان
15 °С : الماتى
USD 405.69 EUR 455.51
RUB 5.72 CNY 57.42
جاڭالىقتار

بايقوڭىردا كارانتين 15-ماۋسىمعا دەيىن ۇزارتىلدى

26 مامىر 09:20
:ءبولىسۋ
بايقوڭىردا كارانتين 15-ماۋسىمعا دەيىن ۇزارتىلدى

بايقوڭىر. قازاقپارات - 25 - مامىردا وتكەن قالالىق جەدەل شتابتىڭ وتىرىسىندا بايقوڭىر اۋماعىندا كوروناۆيرۋس ينفەكتسياسى بويىنشا كارانتيندى 2020 -جىلدىڭ 15 - ماۋسىمىنا دەيىن ۇزارتۋ شەشىمى قابىلداندى، دەپ حابارلايدى قازاقپارات ءتىلشىسى.

بۇعان دەيىن شەكتەۋ شارالارىن 1-ماۋسىمدا الىپ تاستاۋ جوسپارلانعان ەدى. شتاب وتىرىسىندا رەسەيدىڭ فەدەرالدى مەديكو- بيولوگيالىق اگەنتتىگى «بايقوڭىر» كەشەنىنىڭ وڭىرلىك باسقارماسىنىڭ باسشىسى اندرەي پوپوۆ كوروناۆيرۋس ينفەكتسياسىن جۇقتىرعان جاڭا جاعدايلار تۋرالى حابارلادى.

جالپى العاندا بايقوڭىردا جاعداي تۇراقتى: 241 ادام ءوز ۇيلەرىندە وقشاۋلاندىرىلدى. ينفەكتسياعا 287 تەست تاپسىرىلدى. ونىڭ 7 ەۋى وڭ ناتيجە كورسەتتى (16-24 -مامىر) . قىزىلوردا وبلىسىنداعى سانيتارلىق- ەپيدەميولوگيالىق جاعدايدى ەسكەرە وتىرىپ، شتاب مۇشەلەرى COVID-19 ىندەتىنىڭ تارالۋىن الدىن الۋ بويىنشا شەكتەۋ شارالارىن 2020 -جىلدىڭ 15 -ماۋسىمى ساعات 00:00 گە دەيىن ۇزارتۋدى شەشتى. وسى كۇنگە دەيىن باقىلاۋ- وتكىزۋ پۋنكتەرىندە شەكتەۋلەر ساقتالادى. بايقوڭىر قالاسى، تورەتام كەنتى جانە اقاي اۋىلدىق وكرۋگىنىڭ تۇرعىندارى باقىلاۋ- وتكىزۋ پۋنكتەرى ارقىلى ارنايى رۇقسات قاعازدارى بويىنشا وتەتىن بولادى. سونىمەن قاتار، جەدەل شتابتىڭ شەشىمىمەن كۇشەيتىلگەن سانيتارلىق- دەزينفەكتسيالىق رەجيم مەن الەۋمەتتىك قاشىقتىقتى ساقتاي وتىرىپ، كورمەلەر مەن مۇراجايلاردىڭ، مەنشىك تۇرىنە قاراماستان جابىق تۇردەگى سپورت نىساندارىنىڭ، فيتنەس- كلۋبتاردىڭ جانە سپورت زالدارىنىڭ قىزمەتىنە رۇقسات ەتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات