+7 (701) 759 90 19
19 °С : نۇر-سۇلتان
26 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

15 مىڭ تەلەساباق تۇسىرىلەدى - اسحات ايماعامبەتوۆ

25 مامىر 18:06
:ءبولىسۋ
15 مىڭ تەلەساباق تۇسىرىلەدى - اسحات ايماعامبەتوۆ

نۇر-سۇلتان. قازاقپارات - 15 مىڭ تەلەساباق تۇسىرىلەدى.

بۇل تۋرالى ونلاين رەجيمدە مۇعالىمدەردىڭ قاتىسۋىمەن وتكەن كونفەرەنسيادا ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

مينيستر قاشىقتان وقىتۋ كەزىندە ءۇش مىڭنان استام تەلەساباق دايىندالعانىنا توقتالا كەلە، «شىنىمەن دە ەلەۋلى جۇمىستار اتقارىلدى. قازىر تاعى دا 15 مىڭ تەلەساباقتى ءتۇسىرۋدى جوسپارلاپ وتىرمىز، سەبەبى بىزگە بولاشاققا دايىندالۋ كەرەك. پاندەميانىڭ ەكىنشى نەمەسە ءۇشىنشى تولقىنى بولماسا دا، ساباق وتكىزىلمەيتىن ايازدى كۇندەر كەزدەسەدى. سونىمەن قاتار، قىستا جولدىڭ جابىلۋىنا بايلانىستى ءتيىستى مەرزىمدە بالالار وقي المايتىن جاعدايلار دا تۋىنداۋى مۇمكىن. وسىنداي كۇتپەگەن جاعدايلار كوپتەپ كەزدەسەدى»، - دەدى.

وسى ورايدا ا. ايماعامبەتوۆ تەلەساباقتار ءبىلىم بەرۋ ءۇشىن جاقسى ءتاسىل ەكەنىن اتاپ ءوتتى. «جالپى، تەلەۆيزيالىق فورماتتا دايىن بولۋى ءۇشىن ءبىز وقۋ جىلىنىڭ تۇتاس ءتورت توقسانىنداعى ساباقتاردى ءتۇسىرۋدى ءجون سانادىق. قازىر ارنايى الاڭدى دايارلاپ جاتىرمىز، وندا ءاربىر مۇعالىم ءوزىنىڭ ساباقتارىن ءتيىستى تالاپتارمەن ءتۇسىرۋ مۇمكىندىگىنە يە بولادى»، - دەدى مينيستر. بۇدان بۇرىن حابارلانعانداي، مينيستر تەلەساباقتاردى دايارلاۋعا بەلسەندى قاتىسقان مۇعالىمدەردى ماراپاتتادى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات